Deus, qui nos patrem et matrem honoráre præcepísti,

miserére cleménter patri et matri meæ

(paréntibus nostris),

eorúmque peccáta dimítte,

meque (nosque) eos in ætérnæ claritátis gáudio fac vidére.

Per Dóminum.

Súscipe sacrifícium, Dómine,

quod tibi pro patre et matre mea

(paréntibus nostris) offérimus

eísque gáudium sempitérnum in regióne vivórum concéde,

meque (nosque) cum illis felicitáti Sanctórum coniúnge.

Per Christum.

Cæléstis participátio sacraménti,

quæsumus, Dómine,

patri et matri meis (paréntibus nostris)

réquiem et lucem obtíneat perpétuam,

meque (nosque) cum illis glória tua sátiet sempitérna.

Per Christum.