Sic Deus diléxit mundum,

ut Fílium suum Unigénitum daret,

ut omnis qui credit in eum non péreat,

sed hábeat vitam ætérnam.

Omnípotens et invisíbilis Deus,

qui tuæ lucis advéntu mundi ténebras effugásti,

seréno vultu nos, quæsumus, intuére,

ut magnificéntiam nativitátis Unigéniti tui

dignis præcóniis collaudémus.

Qui tecum.

Súscipe, Dómine, múnera nostra,

quibus exercéntur commércia gloriósa,

ut, offeréntes quæ dedísti, teípsum mereámur accípere.

Per Christum.

Per víscera misericórdiæ Dei nostri,

visitávit nos Oriens ex alto.

Da, quæsumus, omnípotens Deus,

ut mysteriórum virtúte sanctórum

iúgiter vita nostra firmétur.

Per Christum.