Ordo benedictionis novæ domus
FRARitus initiales
Familiæ membris, propinquis quoque et amicis loco apto congregatis, miniter dicit :
In nomine Patris, et Filii, et Spiritu Sancti.
Omnes signo crucis se signant, et respondent :
Amen.
Tum minister, si est sacerdos vel diaconus, adstantes salutat, dicens :
Pax huic domui et omnibus habitantibus in ea.
Vel alia apta verba e Sacris Scripturis præsertim deprompta.
Omnes respondent:
Et cum spiritu tuo.
Vel alio apto modo.
Deinde adstantes ad celebrtionem benedictionis disponit his vel similibus verbis :
Ad Christum, fratres carissimi, qui ex Virgine Maria nasci dignatus est et habitavit in nobis, fervens nostra dirigatur oratio ut sub hoc tectum intrare et hanc domum sura præsentia benedicere dignetur. Christus Dominus sit hic in medio vestri, caritatem fraternamin vobis alat, gaudia participet, sublevet mærores. Vos autem, Christi præceptis et exemplis adducti, id apprime curate ut hæc nova domus caritatis sit domicilium, unde bonus Christi odor longe lateque diffundatur.
Lectio verbi Dei
Deinde unes ex adstantibus vel ipse minister legit textum Sacrarum Scripturarum. V. gr :
Lc 10, 5-9 « Pax huic domui »
Audite, fratres, verba sancti Evangelii secundum Lucam.
Dixit Dominus discipulis suis : « In quamcumque domum intraveritis, primum dicite: “Pax huic domui”.
Et si ibi fuerit filius pacis, requiescet super illam pax vestra; sin autem, ad vos revertetur.
In eadem autem domo manete edentes et bibentes, quæ apud illos sunt: dignus enim est operarius mercede sua. Nolite transire de domo in domum.
Et in quamcumque civitatem intraveritis, et susceperint vos, manducate, quæ apponuntur vobis,
et curate infirmos, qui in illa sunt, et dicite illis: “Appropinquavit in vos regnum Dei” »
Pro opportunitate dici vel cani potest psalmus responsorius aut alius cantus aptus.
Minister, pro opportunitate, adstantes breviter alloquitur, lectionem biblicam illustrans, ut sensum celebrationis fide percipiant.
Preces
Sequitur prex communis. Ex invocationibus quæ infra proponuntur, minister seligere potest eas quæ aptiores videantur vel alias adicere quæ peculiaria adstantium vel rerum adiuncta respiciant.
Filium Dei, Dominum cæli et terræ, qui, caro factus, habitavit in nobis, grato et læto corde invocemus, dicentes :
R/. Mane nobiscum, Domine.
Domine Iesu Christe, qui vitam domesticam cum Maria et Ioseph sanctificasti,
– nobiscum in hac domo commorari digneris, ut te nostrum hospitem sentiamus et caput veneremur. R/.
Tu, in quo omnis ædificatio compacta crescit in templum sanctum.
– fac ut habitantes in hac domo coædificentur in habitaculum Dei in Spiritu. R/.
Qui fideles tuos domum suam supra firmam petram ædificare docuisti.
– da ut huius familiæ vita verbis tuis fortiter adhæreat et omni divisione remota, corde agno et animo volenti tibi deserviat. R/.
Qui domo propria carens, hospitalitatem amicorum in lætitia paupertatis accepisti,
– fac ut omnes qui locum habitationis inquirunt domum suo nomine dignam, adiuvantibus nobis inveniant. R/.
Oratio benedictionis
Tum minister, si est sacerdos vel diaconus, manibus extensis, secus vero, manibus iunctis, subiungit :
Adesto, Domine, famulis tuis qui domum hanc (hodie) auspicantes, benedictionem tuam supplices exorant, ut in ea commorantes te refugium sentiant, ab ea exeuntes te comite lætentur, ad eam redeuntes te hospite perfruantur donec mansionem sibi paratam in domo Patris tui feliciter inveniant. Qui vivis et regnas in sæcula sæculorum.
R/. Amen.
Post orationem benedictionis, minister adstantes et domum aqua benedicta aspergit, dicens, prop opportunitate :
Sit hæc aqua suscepti Baptismatis memoria et Christum recolat, qui Passione et Resurrectione sua nos redemit.
R/. Amen.
Conclusio ritus
Tum minister ritum concludit dicens :
Pac Christi regnet in cordibus nostris verbum Christi habitet in nobis abundanter, ut quodcumque facimus in verbo aut in opere, omnia in nomine Domini faciamus.
Omnes respondent :
Amen.
Laudabiliter ritus cantu apto perficitur.
Formulæ brevissimæ in periculo mortis
Formula baptismi
In articulo mortis, omissis ceteris ritibus, sufficit ut minister aquam infundat super baptzandum, verba consueta dicens :
N., ego te baptizo in nomine Patris,
infundit aquam primo
et Filli,
infundit aquam secundo
et Spiritus Sancti.
infundit aquam tertio
Expedit ut minister, quantum fieri potest, unum vel etiam alterum testem adhibeat.
Quoties adiuncta id permittant, integer ritus servetur, prout in Ordine Confirmationis describitur. Urgente necessitate ritus ita disponitur:
Sacerdos imponit manus super ægrotum, dicens:
Deus omnipotens, Pater Domini nostri Iesu Christi,
qui hunc famulum regenerasti
ex aqua et Spiritu Sancto,
liberans eum a peccato,
Tu, Domine immitte in eos Spiritum Sanctum Paraclitum;
da ei spiritum sapientiæ et intellectus,
spiritum consilii et fortitudinis,
spiritum scientiæ et pietatis;
adimple eum spiritu timoris Tui.
Per Christum Dominum nostrum.
R/. Amen.
Deinde, summitate pollicis dexteræ manus in Chrismate intincta, ducit pollice signum crucis in fronte confirmandi, dicens :
N., accipe signaculum Doni Spiritus Sancti.
Et confirmatus, si potest, respondet :
R/. Amen.
In casu extremæ necessitatis, sufficit ut sacerdos peragat chrismationem cum formula sacramentalis :
N., accipe signaculum Doni Spiritus Sancti.
Formula absolutionis sacramentalis
Quando necessitas pastoralis id suadet, sacerdos potest quasdam partes ritus omittere aut breviare, attamen semper integre servanda sunt : confessio peccatorum et accptatio satisfactionis, invitatio ad contritionem, formula absolutionis et formula dimissionis. Si vero mortis periculum imminet, sufficit ut sacerdos dicat verba essentialia formulæ absolutionis, scilicet :
Ego te absolvo a peccatis tuis, in nomine Patris, et Filii, + et Spiritus Sancti.
Sacra Unctio
Sacerdos accipit sanctum Oleum et ungit infirmum in fronte et in manibus, semel dicens:
Per istam Sanctam Unctionem et suam piissimam misericordiam adiuvet te Dominus gratia Spiritus Sancti;
R/. Amen.
ut a peccatis liberatum te salvet atque propitius allevet.
R/. Amen.
Cum sacerdos, intra ritum Oleum benedicturus est, ad benedictionem Olei, procedit ad benedictionem, dicens:
Benedic, + Domine, hanc olei creaturam
et ipsum etiam infirmum
qui hoc lenimento perungitur.
De absolutio a censures
FRAQuando sacerdos, ad normam iuris, aliquem pænitentem a censura absolvit, extra Pænitentiæ sacramentum, formula sequenti utitur:
Potestate mihi concessa, ego te absolvo a vinculo excommunicationis (vel suspensionis vel interdicti). In nomine Patris, et Filii, + et Spiritus Sancti.
Pænitens respondet:
Amen.
De dispensatione ab irregularitate
Si pænitens aliqua detinetur irregularitate, sacerdos, ad normam iuris, cum eumdem super irregularitate dispensat, sive in confessione post datam absolutionem, sive extra Pænitentiæ sacramentum, dicit :
Potestate mihi concessa, ego dispenso te super irregularitate in quam incurristi. In nomine Patris, et Filii, + et Spiritus Sancti.
Pænitens respondet:
Amen.
Formula benedictionis apostolicæ in articulo mortis
Sacramentum Pænitentiæ vel actus pænitentialis concludi potest indulgentia plenaria in articulo mortis, quam sacerdos infirmo hoc modo concedit :
Ego, facultate mihi ab Apostolica Sede tributa, indulgentiam plenariam et remissionem omnium peccatorum tibi concedo, in nomine Patris, et Filii, + et Spiritus Sancti.
R/. Amen.
Vel:
Per sacrosancta humanæ reparationis mysteria, remittat tibi omnipotens Deus omnes præsentis et futuræ vitæ pœnas, paradisi portas aperiat et ad gaudia te sempiterna perducat.
R/. Amen.
Aliæ orationes et cantica
Psalmus 116
Laudáte Dóminum omnes gentes, laudáte eum, omnes pópuli. Quóniam confirmáta est super nos misericórdia eius, et véritas Dómini manet in ætérnum.
Glória Patri, et Fílio, et Spirítui Sancto; sicut erat in princípio, et nunc, et semper, et in sæcula sæculórum. Amen.
Oratio Sancti Andreæ
O bona crux, quæ decórem et pulchritúdinem de membris Dóminí suscepísti; diu desideráta, sollícite amáta, sine intermissióne quæsíta et aliquándo cupiénti ánimo preparáta: áccipe me ab hominibus, et redde me magístro meo. Súscipe discípulum Christi, ac per te me recípiat, qui per te móriens me redémit. Amen.
Sero te amavi
Sant’Agostino
Sero te amavi, pulchritudo tam antiqua et tam nova, sero te amavi! et ecce intus eras et ego foris, et ibi te quærebam, et in ista formosa, quæ fecisti, deformis inruebam. mecum eras, et tecum non eram. ea me tenebant longe a te, quæ si in te non essent, non essent. vocasti et clamasti et rupisti surditatem meam: coruscasti, splenduisti et fugasti cæcitatem meam: fragrasti, et duxi spiritum, et anhelo tibi, gustavi et esurio et sitio, tetigisti me, et exarsi in pacem tuam. (Augustinus, Confessiones, liber X, 27).
PiÆ exercitationes
Psalmus 50 (Miserere)
Miserére mei, Deus, secúndum misericórdiam tuam.
Et secúndum multitúdinem miseratiónum tuárum dele iniquitátem meam.
Amplius lava me ab iniquitáte mea et a peccáto meo munda me.
Quóniam iniquitátem meam ego cognósco: et peccátum meum contra me est semper.
Tibi, tibi soli peccávi, et malum coram te feci, ut iustus inveniáris in senténtia tua et equus in iudício tuo.
Ecce enim in iniquitáte generatus sum: et in peccáto concépit me mater mea.
Ecce enim veritátem in corde dilexísti: et in occúlto sapiéntiam manifestásti mihi.
Aspérges me hyssópo, et mundábor: lavábis me, et super nivem dealbábor.
Audíre me fácies gáudium et letítiam, et exsultábunt ossa, quæ contrivísti.
Avérte fáciem tuam a peccátis meis et omnes iniquitátes meas dele.
Cor mundum crea in me, Deus, et spíritum firmum ínnova in viscéribus meis.
Ne proícias me a fácie tua et spíritum sanctum tuum ne áuferas a me.
Redde mihi lætítiam salutáris tui et spíritu promptíssimo confirma me.
Docébo iníquos vias tuas, et ímpii ad te converténtur.
Líbera me de sanguínibus, Deus, Deus salútis meæ, et exsultábit língua mea iustítiam tuam.
Dómine, lábia mea apéries, et os meum annuntiábit laudem tuam.
Non enim sacrifício delectáris; holocáustum, si ófferam, non placebit.
Sacrifícium Deo spíritus contribulátus; cor contrítum, et humiliátum, Deus, non despícies.
Benígne fac, Dómine, in bona voluntáte tua Sion, ut ædificéntur muri Ierúsalem.
Tunc acceptábis sacrifícium iustítiæ, oblatiónes et holocáusta: tunc impónent super altáre tuum vítulos.
Nunc dimíttis
Nunc dimíttis servum tuum, Dómine, secúndum verbum tuum in pace.
Quia vidérunt óculi mei salutáre tuum, quod parásti ante fáciem ómnium populórum,
lumen ad revelatiónem géntium et glóriam pleis tuæ Isræl.
Glória Patri.
Hymnus
Dies iræ, dies illa
solvet sæclum in favilla:
teste David cum Sibylla.
Quantus tremor est futurus,
quando judex est venturus,
cuncta stricte discussurus!
Tuba mirum spargens sonum
per sepulcra regionum,
coget omnes ante thronum.
Mors stupebit et natura,
cum resurget creatura,
judicanti responsura.
Liber scriptus proferetur,
in quo totum continetur,
unde mundus judicetur.
Judex ergo cum sedebit,
quidquid latet apparebit:
nil inultum remanebit.
Quid sum miser tunc dicturus?
Quem patronum rogaturus,
cum vix justus sit securus?
Rex tremendæ majestatis,
qui salvandos salvas gratis,
salva me fons pietatis.
Recordare, Jesu pie,
quod sum causa tuæ viæ:
ne me perdas illa die.
Quærens me, sedisti lassus:
redemisti Crucem passus:
tantus labor non sit cassus.
Juste judex ultionis,
donum fac remissionis
ante diem rationis.
Ingemisco, tamquam reus:
culpa rubet vultus meus:
supplicanti parce, Deus.
Qui Mariam absolvisti,
et latronem exaudisti,
mihi quoque spem dedisti.
Preces meæ non sunt dignæ:
sed tu bonus fac benigne,
ne perenni cremer igne.
Inter oves locum præsta,
et ab hædis me sequestra,
statuens in parte dextra.
Confutatis maledictis,
flammis acribus addictis:
voca me cum benedictis.
Oro supplex et acclinis,
cor contritum quasi cinis:
gere curam mei finis.
Lacrimosa dies illa,
qua resurget ex favilla
judicandus homo reus :
huic ergo parce, Deus.
O tu, Deus maiestatis,
alme candor Trinitatis,
nos coniunge cum beatis.
Amen.
Réquiem æternam dona eis, Dómine ;
et lux perpétua lúceat eis. Requiéscant in pace. Amen
Pie Iesu Dómine, dona eis réquiem.
Responsorium pro defunctis
FRAV/. Ne recordéris peccáta mea, Dómine.
R/. Dum véneris iudicáre sæculum per ignem.
V/. Dírige, Dómine, Deus meus, in conspéctu tuo viam meam.
R/. Dum véneris iudicáre sæculum per ignem.
V/. Réquiem ætérnam dona ei (eis), Dómine, et lux perpétua lúceat ei (eis).
R/. Dum véneris iudicáre sæculum per ignem.
Kyrie, eléison, Christe, eléison. Kyrie, eléison.
Pater noster...
V/. A porta ínferi.
R/. Erue, Dómine, ánimam eius (ánimas eórum).
V/. Requiescat (requiescant) in pace.
R/. Amen.
V/. Dómine, exáudi oratiónem meam.
R/. Et clámor meus ad te véniat.
Sacerdotes addunt:
V/. Dóminus vobíscum.
R/. Et cum spíritu túo.
Orémus: Absólve, quæsumus, Dómine, ánimam fámuli tui N. (fámulæ tuæ N.) ab omni vínculo delictórum: ut, in resurrectiónis glória, ínter Sanctos et eléctos tuos resuscitata respíret. Per Chrístum Dóminum nostrum.
R/. Amen.
V/. Réquiem ætémam dona ei (eis), Dómine.
R/. Et lux perpétua lúceat ei (eis).
V/. Requiescat (requiescant) in pace.
R/. Amen.
V/. Anima eius (ánimæ eórum) et ánimæ ómnium fidélium defunctórum per misericórdiam Dei requiéscant in pace.
R/. Amen.
ALIÆ ORATIONES
Pro Papa
Deus, qui Ecclésiæ tuæ fámulum tuum Papam nostrum N. ineffábili tua dispositióne præésse voluísti, præsta, quæsumus, ut, qui Fílii tui vices gerébat in terris, ab ipso in glória recipiátur ætérna. Per Christum.
Pro Episcopo
Deus, qui inter apostolicos sacerdotes famulum tuum N. episcopum (vel cardinalem) pontificali fecisti dignitate vigere, præsta, quæsumus, ut eorum quoque perpetuo aggregetur consortio. Per Christum.
Pro sacerdote
Præsta, quæsumus, Domine, ut famulus tuus N. sacerdos, quem in hoc sæculo commorantem sacris muneribus decorasti, in cælesti sede gloriosus semper exsultet. Per Christum.
In die obitus
Deus, cui proprium est misereri semper et parcere, te supplices exoramus pro famulo tuo N., quem (hodie) ad te migrare iussisti, ut, quia in te speravit et credidit, concedas eum ad veram patriam perduci, et gaudiis perfrui sempiternis. Per Christum.
In anniversario
Deus indulgentiarum, da famulo tuo N., cuius anniversarium depositionis diem celebramus, refrigerii sedem, quietis beatitudinem et luminis claritatem. Per Christum.
Pro uno defuncto
Inclina, Domine, aurem tuam ad preces nostras, quibus misericordiam tuam supllices deprecamur, ut famulum tuum N., quem in hoc sæculo tuo populo misericorditer aggregasti, in pacis a lucis regione constituas, et sanctorum tuorum concedas esse consortem. Per Christum.
Pro defunctis fratribus, propinquis et benefactoribus
Deus, véniæ largítor, et humáne salútis amátor, quæsumus cleméntiam tuam : ut nostræ Congregatiónis Fratres, propínquos et benefactóres, qui ex hoc sæculo transiérunt, beáta María semper Vírgine intercedénte cum ómnibus sanctis tuis, ad perpétuæ beatitúdinis consórtium perveníre concédas.
Pro paréntibus
Orémus: Deus, qui nos patrem et matrem honoráre præcepísti: miserere clementer animábus paréntum nostrórum, eorúmque peccáta dimítte; nosque eos in ætérnæ claritátis gáudio fac vidére. Per Chrístum Dóminum nóstrum.
R/. Amen.
Pro pluribus aut pro omnibus defunctis
Oremus: Fidélium, Deus, ómnium cónditor et redémptor, animábus famulórum famularúmque tuárum remissiónem cunctórum tríbue peccatórum: ut indulgéntiam, quam semper optavérunt, píis supplicatiónibus consequántur. Per Chrístum Dóminum nóstrum.
R/. Amen.
1. Ego sum Dominus Deus tuus, qui eduxi te de terra Ægypti, de domo servitutis. Non habebis deos alienos coram me. Non facies tibi sculptile neque omnem similitudinem eorum, quæ sunt in cælo desuper et quæ in terra deorsum et quæ in aquis sub terra. Non adorabis ea neque coles.
2. Non assumes nomen Domini Dei tui in vanum.
3. Memento, ut diem Sabbati sanctifices.
4. Honora patrem tuum et matrem tuam, ut sis longævus super terram.
5. Non occides.
6. Non moechaberis.
7. Non furtum facies.
8. Non loqueris contra proximum tuum falsum testimonium.
9. Non concupisces uxorem proximi tui.
10. Nec omnia, quæ illius sunt.
Sex Præcepta Ecclesiæ
FRA1. Diebus Dominicis ceterisque festis de præcepto Missam audire et ab operibus servilibus vacare.
2. Peccata saltem semel in anno confiteri.
3. Eucharistiæ sacramentum saltem in Paschale recipere.
4. Diebus ab Ecclesia statutis ab esu carnium abstinere et ieiunium servare.
5. Ecclesiæ necessitatibus subvenire.
6. Oboedire leges matrimoniæ Ecclesiæ.
Septem Opera Misericordiæ Spiritualia
FRA1. Dubitantibus consilia dare.
2. Ignorantes instruere.
3. Peccatores monere.
4. Afflictos solari.
5. Offensas remittere.
6. Molestos patienter sustinere.
7. Pro vivis et defunctis Deum orare.