Jesus Christ, My God
Written by St. Alphonsus Maria de'Liguori, Bishop and Doctor of the Church (1696-1787).
JESUS CHRIST, my God, I adore Thee and thank Thee for all the graces Thou hast given me this day. I offer Thee my sleep and all the moments of this night, and I beseech Thee to keep me without sin. Wherefore I put myself within Thy sacred Side and under the mantle of our Lady, my Mother. Let Thy Holy Angels stand about me and keep me in peace; and let Thy blessing be upon me. Amen.
Lauda Sion
Laud, O Zion
When Pope Urban IV (1261-1264) first established the Feast of Corpus Christi, he requested St. Thomas Aquinas (1225-1274) to compose hymns for it. This is one of the five beautiful hymns Aquinas composed in honor of Jesus in the Blessed Sacrament. In addition to Lauda Sion, St. Thomas wrote Adoro Te Devote, Pange Lingua, Sacris Sollemnis and Verbum Supernum. Lauda Sion is the Sequence before the Gospel on Corpus Christi. The last two verses comprise the well known Bone pastor, panis vere.
LAUDA Sion Salvatorem,
lauda ducem et pastorem,
in hymnis et canticis.
Quantum potes, tantum aude:
quia maior omni laude,
nec laudare sufficis.
Laudis thema specialis,
panis vivus et vitalis
hodie proponitur.
Quem in sacrae mensa cenae,
turbae fratrum duodenae
datum non ambigitur.
Sit laus plena, sit sonora,
sit iucunda, sit decora
mentis iubilatio.
Dies enim solemnis agitur,
in qua mensae prima recolitur
huius institutio.
In hac mensa novi Regis,
novum Pascha novae legis,
phase vetus terminat.
Vetustatem novitas,
umbram fugat veritas,
noctem lux eliminat.
Quod in coena Christus gessit,
faciendum hoc expressit
in sui memoriam.
Docti sacris institutis,
panem, vinum in salutis
consecramus hostiam.
Dogma datur christianis,
quod in carnem transit panis,
et vinum in sanguinem.
Quod non capis, quod non vides,
animosa firmat fides,
praeter rerum ordinem.
Sub diversis speciebus,
signis tantum, et non rebus,
latent res eximiae.
Caro cibus, sanguis potus:
manet tamen Christus totus
sub utraque specie.
A sumente non concisus,
non confractus, non divisus:
integer accipitur.
Sumit unus, sumunt mille:
quantum isti, tantum ille:
nec sumptus consumitur.
Sumunt boni, sumunt mali:
sorte tamen inaequali,
vitae vel interitus.
Mors est malis, vita bonis:
vide paris sumptionis
quam sit dispar exitus.
Fracto demum sacramento,
ne vacilles, sed memento
tantum esse sub fragmento,
quantum toto tegitur.
Nulla rei fit scissura:
signi tantum fit fractura,
qua nec status, nec statura
signati minuitur.
Ecce Panis Angelorum,
factus cibus viatorum:
vere panis filiorum,
non mittendus canibus.
In figuris praesignatur,
cum Isaac immolatur,
agnus Paschae deputatur,
datur manna patribus.
Bone pastor, panis vere,
Iesu, nostri miserere:
Tu nos pasce, nos tuere,
Tu nos bona fac videre
in terra viventium.
Tu qui cuncta scis et vales,
qui nos pascis hic mortales:
tuos ibi commensales,
coheredes et sodales
fac sanctorum civium.
Amen. Alleluia.
Latin from the Roman Missal. Translation by ?
Laudes Divinæ
Divine Praises
The Divine Praises are a series of acclamations praising God, Jesus Christ, the Holy Spirit, the Blessed Mother, St. Joseph and all the angels and saints. It was written originally in Italian in 1797 by Luigi Felici, S.J. to make reparations against blasphemy and profanity. Since then it has been added to by recent Popes giving us this present form. The Divine Praises are often used at Benediction of the Blessed Sacrament.
BENEDICTUS Deus.
Benedictum Nomen Sanctum eius.
Benedictus Iesus Christus, verus Deus et verus homo.
Benedictum Nomen Iesu.
Benedictum Cor eius sacratissimum.
Benedictus Sanguis eius pretiosissimus.
Benedictus Iesus in sanctissimo altaris Sacramento.
Benedictus Sanctus Spiritus, Paraclitus.
Benedicta excelsa Mater Dei, Maria sanctissima.
Benedicta sancta eius et immaculata Conceptio.
Benedicta eius gloriosa Assumptio.
Benedictum nomen Mariæ, Virginis et Matris.
Benedictus sanctus Ioseph, eius castissimus Sponsus.
Benedictus Deus in Angelis suis, et in Sanctis suis.
Amen.
Libera me
Deliver me, Lord Jesus Christ
From the Roman Missal.
LIBERA me, Domine, Iesu Christe, ab omnibus iniquitatibus meis et universis malis, fac me tuis semper inhærere mandatis et a te numquam separari permittas. Amen.
Raccolta #109. (S. P. Ap., Nov. 12, 1938).
Litaniæ ad Deum Patrem
Litany to God the Father
Kyrie eleison.
Christe eleison.
Kyrie eleison.
Pater sancte,
R. audi nos.
Pater iuste,
R. exaudi nos.
Pater de cælis Deus,
R. miserere nobis.
Fili redemptor mundi Deus,
R. miserere nobis.
Spiritus Sancte Deus,
R. miserere nobis.
Sancta Trinitas, unus Deus,
R. miserere nobis.
Pater noster, qui es in cælis,
R. miserere nobis.
Pater Domini nostri Iesu Christi,
R. miserere nobis.
Pater misericordiarum, et Deus totius consolationis,
R. miserere nobis.
Pater peccavimus in cælum et coram te,
R. miserere nobis.
Pater Deus benedictus in sæcula,
R. miserere nobis.
Pater in spiritu et veritate adorande,
R. miserere nobis.
Pater sine quo nemo venit ad Filium,
R. miserere nobis.
Pater gloriæ et Domine cæli et terræ,
R. miserere nobis.
Qui misisti Filium in mundum,
R. miserere nobis.
Ex quo omnis paternitas in cælo et in terra nominatur,
R. miserere nobis.
Qui elegisti nos in Filio ante mundi constitutionem,
R. miserere nobis.
Qui prædestinasti nos in adoptionem filiorum,
R. miserere nobis.
Qui mysteria abscondis prudentibus et sapientibus et revelas ea parvulis,
R. miserere nobis.
Qui benedixisti nos omni benedictione spirituali in cælestibus,
R. miserere nobis.
Qui dimittis nobis peccata nostra,
R. miserere nobis.
Qui elegisti nos, ut essemus sancti et immaculati in conspectu tuo,
R. miserere nobis.
Qui das spiritum bonum petentibus te,
R. miserere nobis.
Pater luminum, a quo omne bonum descendit,
R. miserere nobis.
Pater vivificans, et mortuos suscitans,
R. miserere nobis.
Pater videns in abscondito,
R. miserere nobis.
Agricola usque modo operans,
R. miserere nobis.
Qui solem tuum oriri facis super bonos et malos,
R. miserere nobis.
Qui pluis super iustos et iniustos,
R. miserere nobis.
Qui numerasti omnes capillos capitis nostri,
R. miserere nobis.
Qui proprio Filio non pepercisti, sed pro nobis omnibus tradidisti eum,
R. miserere nobis.
Qui vocasti nos in societatem Filii tui,
R. miserere nobis.
Qui gratificasti nos in dilecto Filio tuo,
R. miserere nobis.
Qui transtulisti nos in regum Filii dilectionis tuæ,
R. miserere nobis.
Qui dignos nos fecisti in partem fortis sanctorum,
R. miserere nobis.
Qui ad nuptias Filii nos vocasti,
R. miserere nobis.
Qui dilexisti nos, et dedisti consolationem æternam,
R. miserere nobis.
Qui sic dilexisti mundum, ut Filium unigenitum dares,
R. miserere nobis.
Qui magnifica voce de cælo delapsa clarificasti Filium tuum,
R. miserere nobis.
Qui tibi in Filo tuo bene complacuisti,
R. miserere nobis.
Cui complacuit dare nobis regnum,
R. miserere nobis.
Cuius faciem semper vident Angeli in cælis,
R. miserere nobis.
Qui ut servum redimeres, Filium tradidisti,
R. miserere nobis.
Qui talem caritatem dedisti nobis, ut filii tui nominemur et simus,
R. miserere nobis.
Qui voluisti nos conformes fieri in imaginis Filii tui,
R. miserere nobis.
Qui es super omnes, et per omnia, et in omnibus nobis,
R. miserere nobis.
Qui parasti regnum electis tuis ante mundi constitutionem,
R. miserere nobis.
Pater orphanorum et iudex viduarum,
R. miserere nobis.
Qui sine acceptione personarum iudicas secundum opus uniuscuiusque,
R. miserere nobis.
In cuius domo mansiones multæ sunt,
R. miserere nobis.
Pater benigne, patiens, et multæ misericordiæ,
R. miserere nobis.
Propitius esto,
R. Parce nobis, Domine.
Propitius esto,
R. Exaudisti nos, Domine.
Propitius esto,
R. libera nos, Domine.
Ab omni malo,
R. libera nos, Domine.
Ab omni peccato,
R. libera nos, Domine.
A potestate Diaboli,
R. libera nos, Domine.
Ab omnibus peccatorum occasionibus et tentationibus,
R. libera nos, Domine.
Ab insidiis inimicorum omnium,
R. libera nos, Domine.
Ab ira et odio et omni mala voluntate,
R. libera nos, Domine.
Ab imminentibus peccatorum periculis,
R. libera nos, Domine.
Ab omnibus adversitatibus et hostibus mentis et corporis,
R. libera nos, Domine.
A damnatione perpetua,
R. libera nos, Domine.
Per altissimam, qua intueris abyssos, scientiam tuam,
R. libera nos, Domine.
Per immensam, qua omnia ex nihilo creasti potentiam tuam,
R. libera nos, Domine.
Per suavem, qua cuncta gubernas, providentiam tuam,
R. libera nos, Domine.
Per æternam, qua mundum dilexisti caritatem tuam,
R. libera nos, Domine.
Per infinitam, qua omnia imples, bonitatem tuam,
R. libera nos, Domine.
In die Iudicii,
R. libera nos, Domine.
Peccatores,
R. te rogamus audi nos.
Ut nomen tuum semper et ubique sanctificetur,
R. te rogamus audi nos.
Ut regnum tuum nobis advenire concedas,
R. te rogamus audi nos.
Ut semper fiat voluntas tua sicut in cælo et in terra,
R. te rogamus audi nos.
Ut panem nostrum quotidianum nobis dare digneris,
R. te rogamus audi nos.
Ut nobis debita nostra clementer dimittere digneris,
R. te rogamus audi nos.
Ut nos sub umbra alarum tuarum protegere, et ex omni tentatione eripere digneris,
R. te rogamus audi nos.
Ut nos ab omni malo liberare digneris,
R. te rogamus audi nos.
Ut quod fideliter petimus, efficaciter consequamur,
R. te rogamus audi nos.
Pater in nomine Filii tui,
R. te rogamus audi nos.
Agnus Dei, qui tollis peccata mundi,
R. reconcilias Patri.
Agnus Dei, qui tollis peccata mundi,
R. da nobis accessum ad Patrem.
Agnus Dei, qui tollis peccata mundi,
R. post hoc exilium ostende nobis Patrem.
Pater sancte,
R. audi nos.
Pater iuste,
R. exaudi nos.
Kyrie eleison.
Christe eleison.
Kyrie eleison.
Pater noster...
Et ne nos inducas in tentationem, sed libera nos a malo.
V. Protector noster aspice Deus.
R. Et respice in faciem Christi tui.
V. Memento nostri, Domine, in beneplacito tuo.
R. Visita nos in salutari tuo.
V. Ostende nobis, Domine, misericordiam tuam,
R. Et salutare tuum da nobis.
V. Domine Deus virtutum, converte nos.
R. Ostende faciem tuam, et salvi erimus.
V. Domine, exaudi orationem meam, R. Et clamor meus ad te veniat.
Oremus:
Deus, qui in omnibus Ecclesiæ tuæ filiis, Christi Filii tui voce manifestasti satorem te bonorum seminum, et electorum palmitum esse cultorem, tribue quæsumus fidelibus tuis, qui vinearum apud te nomine censentur et segetum, ut spinarum et tribulorum squalore resecato, digna efficiamur fruge fecundi.
Deus incommutabilis virtus et lumen æternum, respice propitius ad totius Ecclesiæ tuæ corpus, et opus salutis humanæ, perpetuæ dispositionis effectu tranquillus operare, ut totius mundus experiatur, et videat deiecta erigi, inveterata renovari, et per ipsum redire omnia in integrum, a quo sumpsere principium.
Deus celsitudo humilium, et fortitudo rectorum, qui per unigenitum Filium tuum ita erudire mundum dignatus es, ut omnis illius actio, fieret nostra instructio, excita in nobis spiritus tui fervorem, ut quod ille verbo et exemplo salubriter docuit, nos efficaciter imitari valeamus.
Deus, qui fidelium mentes unius efficis voluntatis, da nobis id amare, quod præcipis, id desiderare, quod promittis, ut inter mundanas varietates ibi nostra fixa sint corda, ubi vera sunt gaudia.
Deus, a quo bona cuncta procedunt, largire supplicibus tuis, ut cogitemus te inspirante, quæ recta sunt, et te gubernante eadem faciamus. Per Dominum nostrum Iesum Christum Filium tuum, qui tecum vivit et regnat in unitate Spiritus Sancti, Deus, per omnia sæcula sæculorum.
Amen.
V. Domine exaudi orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Et fidelium animæ per misericordiam Dei requiescant in pace.
R. Amen.
Latin from "Fasciculus Sacrarum Orationum et Litaniarum ad usum quotidianum Christiani hominis, ex sanctis Scripturis et Patribus collectus", 1618. Tr MWM
Litaniæ de S. Antonio Paduano
Litany of St. Anthony of Padua
Kyrie, eleison.
R. Christe, eleison.
Kyrie, eleison.
Christe, audi nos.
R. Christe, exaudi nos.
Pater de cælis Deus,
R. miserere nobis.
Fili, redemptor mundi Deus,
R. miserere nobis.
Spiritus sancte Deus,
R. miserere nobis.
Sancta Trinitas, unus Deus,
R. miserere nobis.
Sancta Maria,
R. ora pro nobis.
Sancta Dei Genetrix,
R. ora pro nobis.
Sancta Virgo Virginum,
R. ora pro nobis.
Sancte Antoni de Padua,
R. ora pro nobis.
Sancte Antoni, Ordinis Minorum decus,
R. ora pro nobis.
Sancte Antoni, lilium virginitatis,
R. ora pro nobis.
Sancte Antoni, gemma paupertatis,
R. ora pro nobis.
Sancte Antoni, forma obedientiæ,
R. ora pro nobis.
Sancte Antoni, speculum abstinentiæ,
R. ora pro nobis.
Sancte Antoni, vas redolens puritatis,
R. ora pro nobis.
Sancte Antoni, stella splendens sanctitatis,
R. ora pro nobis.
Sancte Antoni, ornamentum morum,
R. ora pro nobis.
Sancte Antoni, pulchritudo paradisi,
R. ora pro nobis.
Sancte Antoni, arca Testamenti,
R. ora pro nobis.
Sancte Antoni, armarium divinarum Scripturarum,
R. ora pro nobis.
Sancte Antoni, doctor veritatis,
R. ora pro nobis.
Sancte Antoni, prædicator gratiæ,
R. ora pro nobis.
Sancte Antoni, exstirpator vitiorum,
R. ora pro nobis.
Sancte Antoni, seminator virtutum,
R. ora pro nobis.
Sancte Antoni, malleus hæreticorum,
R. ora pro nobis.
Sancte Antoni, pavor infidelium,
R. ora pro nobis.
Sancte Antoni, consolator afflictorum,
R. ora pro nobis.
Sancte Antoni, conscientiarum scrutator,
R. ora pro nobis.
Sancte Antoni, martyr desiderio,
R. ora pro nobis.
Sancte Antoni, terror dæmonum,
R. ora pro nobis.
Sancte Antoni, horror inferni,
R. ora pro nobis.
Sancte Antoni, iugis patrator miraculorum,
R. ora pro nobis.
Sancte Antoni, rerum deperditarum restitutor,
R. ora pro nobis.
Propitius esto.
R. Parce nobis, Domine.
Propitius esto.
R. Exaudi nos, Domine.
Ab omni malo,
R. Libera nos, Domine.
Ab omni peccato,
R. Libera nos, Domine.
Ab insidiis diaboli,
R. Libera nos, Domine.
A peste, fame et bello,
R. Libera nos, Domine.
A morte perpetua,
R. Libera nos, Domine.
Per merita sancti Antonii,
R. Libera nos, Domine.
Per ardentissimum amorem sancti Antonii,
R. Libera nos, Domine.
Per propheticum spiritum sancti Antonii,
R. Libera nos, Domine.
Per ignitam prædicationem sancti Antonii,
R. Libera nos, Domine.
Per zelum martyrii sancti Antonii,
R. Libera nos, Domine.
Per integerrimam observantiam obedientiæ, paupertatis et castitatis sancti Antonii,
R. Libera nos, Domine.
In die Iudicii,
R. Libera nos, Domine.
Peccatores,
R. te rogamus, audi nos.
Ut ad veram pænitentiam nos perducere digneris,
R. te rogamus, audi nos.
Ut ignem divini amoris in nobis accendere digneris,
R. te rogamus, audi nos.
Ut patrocinio ac protectione sancti Antonii nos perfrui concedas,
R. te rogamus, audi nos.
Ut meritis sancti Antonii veram contritionem, humilitatem, donum lacrimarum ac sanctam contemplationem tribuas,
R. te rogamus, audi nos.
Ut intercessione sancti Antonii mundum, diabolum ac carnem nos perfecte relinquere facias,
R. te rogamus, audi nos.
Ut sancti Antonii suffragiis se commendantibus in omni necessitate adesse digneris,
R. te rogamus, audi nos.
Ut nos exaudire digneris,
R. te rogamus, audi nos.
Fili Dei,
R. te rogamus, audi nos.
Agnus Dei, qui tollis peccata mundi,
R. parce nobis, Domine.
Agnus Dei, qui tollis peccata mundi,
R. exaudi nos, Domine.
Agnus Dei, qui tollis peccata mundi,
R. miserere nobis, Domine.
Christe, audi nos.
R. Christe, exaudi nos.
Kyrie, eleison.
R. Christe, eleison.
Kyrie, eleison.
Pater noster etc.
V. Et ne nos inducas in tentationem
R. Sed libera nos a malo.
V. Domine exaudi orationem meam.
R. Et clamor meus ad te veniat.
Oremus:
Ecclesiam tuam, Deus, beati Antonii Confessoris tui commemoratio votiva lætificet, ut spiritualibus semper muniatur auxiliis, et gaudiis perfrui mereatur aeternis.
Subveniat plebi tuae, quæsumus, Domine, præclari Confessoris tui beati Antonii devota et iugis deprecatio, quæ in præsenti nos tua gratia dignos efficiat, et in futuro gaudia donet æterna.
O advocate singularissime, sancte Antoni! quando nunc ita dulciter complecteris suavissimum Iesulum, recommendes eidem languentem hanc animam pauperculam, et impetra, ut ipsam ab omni peccatorum sorde immaculatam et mundam conservare valeam, quatenus amore et amplexu amantissimi digna reddi mereatur. Per eundem Christum Dominum nostrum. Amen.
Latin from "Orate Fratres, seu Euchologium ad Usum Sacerdotum et Clericorum", P. Gaudentius, 1901. Tr. MWM.
Litaniae de S. P. N. Francisco
Litany of Our Holy Father St. Francis
Kyrie, eleison.
R. Christe, eleison.
Kyrie, eleison.
Christe, audi nos.
R. Christe, exaudi nos.
Pater de caelis Deus,
R. miserere nobis.
Fili Redemptor mundi Deus,
R. miserere nobis.
Spiritus Sancte Deus,
R. miserere nobis.
Sancta Trinitas, unus Deus,
R. miserere nobis.
Sancta Maria immaculate concepta,
R. ora pro nobis.
Sancta Maria, Advocata Seraphici Religionis,
R. ora pro nobis.
Sancte Francisce Seraphice,
R. ora pro nobis.
Sancte Francisce, Pater prudentissime,
R. ora pro nobis.
Sancte Francisce, Patriarcha pauperum,
R. ora pro nobis.
Sancte Francisce, despiciens mundum,
R. ora pro nobis.
Sancte Francisce, exemplum paenitentiae,
R. ora pro nobis.
Sancte Francisce, vincens mundi vitia,
R. ora pro nobis.
Sancte Francisce, imitator Salvatoris,
R. ora pro nobis.
Sancte Francisce, ferens Christi stigmata,
R. ora pro nobis.
Sancte Francisce, Iesu characteribus insignite,
R. ora pro nobis.
Sancte Francisce, norma castitatis,
R. ora pro nobis.
Sancte Francisce, forma humilitatis,
R. ora pro nobis.
Sancte Francisce, via errantium,
R. ora pro nobis.
Sancte Francisce, medela infirmorum,
R. ora pro nobis.
Sancte Francisce, columna Ecclesiae,
R. ora pro nobis.
Sancte Francisce, fidei defensor,
R. ora pro nobis.
Sancte Francisce, athleta Christi,
R. ora pro nobis.
Sancte Francisce, propugnaculum militantium,
R. ora pro nobis.
Sancte Francisce, scutum inexpugnabile,
R. ora pro nobis.
Sancte Francisce, malleus haereticorum,
R. ora pro nobis.
Sancte Francisce, conversio paganorum,
R. ora pro nobis.
Sancte Francisce, erigens claudos,
R. ora pro nobis.
Sancte Francisce, suscitans mortuos,
R. ora pro nobis.
Sancte Francisce, mundans leprosos,
R. ora pro nobis.
Sancte Francisce, exstirpator vitiorum,
R. ora pro nobis.
Sancte Francisce, procurator divinae gratiae,
R. ora pro nobis.
Agnus Dei, qui tollis peccata mundi,
R. parce nobis, Domine.
Agnus Dei, qui tollis peccata mundi,
R. exaudi nos, Domine.
Agnus Dei, qui tollis peccata mundi,
R. miserere nobis, Domine.
Christe, audi nos.
R. Christe, exaudi nos.
Kyrie, eleison.
R. Christe, eleison.
Kyrie, eleison.
Pater noster etc.
V. Ora pro nobis, B. P. N. Francisce
R. ut digni efficiamur promissionibus Christi.
V. Domine exaudi orationem meam,
R. et clamor meus ad te veniat.
Oremus:
Extingue in nobis desiderium mundanarum rerum, omnipotens Deus, et intercedente beato Francisco Patre pauperum concede propitius, ut sorte nostra contenti in hoc saeculo aeterna fortius appetamus.
Omnipotens sempiterne Deus, infunde cordibus nostris studium castae humilitatis et humilis castitatis, ut imitando B. P. N. Franciscum tibi mundo corde et corpore serviamus.
Deus, cuius Ecclesia sanguine crevit fidelium, infunde propitius sancti Patris Francisci spiritum supplicibus tuis: ut vel sanguinem pro tui Nominis confessione profundere cupiamus, vel per obedientiae virtutem, gratam tibi de nobis victimam offeramus.
Domine Iesu Christe, qui frigescente mundo ad inflammandum corda nostra tui amoris igne, in carne beatissimi Patris nostri Francisci Passionis tuae sacra Stigmata renovasti: concede propitius, ut eius meritis et precibus crucem iugiter feramus, et dignos fructus paenitentiae faciamus. Qui vivis et regnas in saeculum saeculorum. Amen.
Latin from "Orate Fratres, seu Euchologium ad Usum Sacerdotum et Clericorum", P. Gaudentius, 1901. Tr. MWM.