Mirábilis, Deus, de sanctuário tuo!

Deus Israel ipse tríbuet virtútem et fortitúdinem plebi suæ.

Benedíctus Deus!

(T.P. allelúia).

Deus, qui nobis per síngulos annos

huius sancti templi tui consecratiónis réparas diem,

exáudi preces pópuli tui, et præsta,

ut fiat hic tibi semper purum servítium

et nobis plena redémptio.

Per Dóminum.

Mémores diéi quo domum tuam, Dómine,

glória dignátus es ac sanctitáte replére,

nosmetípsos, quæsumus,

fac hóstias tibi semper accéptas.

Per Christum.

nos tibi semper et ubíque grátias ágere:

Dómine, sancte Pater, omnípotens ætérne Deus:

per Christum Dóminum nostrum.

ubi famíliæ in hoc loco ad te peregrinánti

favére non désinis,

mystérium tuæ nobíscum communiónis

mire figúras et operáris:

hic enim tibi templum illud quod nos sumus ædíficas,

et Ecclésiam per orbem diffúsam

in domínici compágem córporis facis augéri,

in pacis visióne compléndam, cælésti civitáte Ierúsalem.

Et ídeo, cum multitúdine órdinum beatórum,

in templo glóriæ tuæ, te collaudámus,

benedícimus et magnificámus, dicéntes:

Pleni sunt cæli et terra glória tua.

Hosánna in excélsis.

Benedíctus qui venit in nómine Dómini.

Hosánna in excélsis.

Templum Dei estis, et Spíritus Dei hábitat in vobis.

Templum Dei sanctum est, quod estis vos (T.P. allelúia).

Benedictiónis tuæ, quæsumus, Dómine,

plebs tibi sacra fructus repórtet et gáudium,

ut, quod in huius festivitátis die

corporáli servítio exhíbuit,

spiritáliter se retulísse cognóscat.

Per Christum.

Deus, Dóminus cæli et terræ,

qui vos hódie ad huius domus

dedicatiónis memóriam adunávit,

ipse vos cælésti benedictióne fáciat abundáre.

Concedátque vobis fíeri templum suum

et habitáculum Spíritus Sancti,

qui omnes fílios dispérsos vóluit in Fílio suo congregári.

Quátenus felíciter emundáti,

habitatórem Deum in vobismetípsis possítis habére,

et ætérnæ beatitúdinis hereditátem

cum ómnibus Sanctis possidére.

Et benedíctio Dei omnipoténtis,

Patris, et Filii, + et Spíritus Sancti,

descéndat super vos et máneat semper.