Veníte, benedícti Patris mei, percípite regnum,

quod vobis parátum est ab orígine mundi, allelúia.

Isti, qui amícti sunt stolis albis,

hi sunt qui venérunt ex magna tribulatióne,

et lavérunt stolas suas in sánguine Agni, allelúia.

Quæsumus, omnípotens Deus,

ut nos, virtúte Spíritus Sancti, et ad credéndum dóciles

et ad confiténdum fortes effícias,

qui beátis martýribus N. et N.

propter verbum tuum et testimónium Iesu

ánimas pónere tribuísti.

Per Dóminum.

Deus, a quo constántiam fides,

et virtútem sumit infírmitas,

tríbue nobis, mártyrum N. et N. exémplo et précibus,

in Unigéniti tui passióne et resurrectióne consórtium,

ut cum eis apud te gáudium perféctum consequámur.

Per Dóminum.

In tuórum, Dómine, pretiósa morte iustórum,

sacrifícium illud offérimus,

de quo martýrium sumpsit omne princípium.

Per Christum.

Vincénti dabo édere de ligno vitæ,

quod est in paradíso Dei mei, allelúia.

Gaudéte, iusti, in Dómino;

rectis decet collaudátio, allelúia.

Beatórum mártyrum N. et N. cæléstem victóriam

divíno convívio celebrántes,

te, Dómine, depóscimus,

ut panem vitæ hic edéntes des víncere,

et vincéntes des édere de ligno vitæ in paradíso.

Per Christum.