Dómine Iesu, concéde réquiem ætérnam eis,

pro quibus tuum pretiósum effudísti sánguinem.

Quæsumus, Dómine, ut fámulo tuo N.,

cuius córporis depositiónis diem commemorámus,

rorem misericórdiæ tuæ perénnem infúndas,

et Sanctórum tuórum largíri dignéris consórtium.

Per Dóminum.

Adésto, Dómine,

supplicatiónibus nostris pro fámulo tuo N.,

cuius mortis hódie ánnua dies ágitur,

ut, per hoc sacrifícium propitiatiónis et laudis,

eum Sanctórum tuórum consórtio sociáre dignéris.

Per Christum.

Qui es, Dómine, réquies post labórem,

qui es vita post mortem,

tu dona eis réquiem sempitérnam.

Précibus nostris et sacrifíciis, Dómine,

pro ánima fámuli tui N. benígne suscéptis,

te súpplices deprecámur,

ut, si quæ ei máculæ peccáti adhæsérunt,

remissiónis tuæ misericórdia deleántur.

Per Christum.