Rogáte Dóminum messis,

ut mittat operários in messem suam,

dicit Iesus discípulis suis.

Deus, qui pastóres pópulo tuo providére voluísti,

effúnde in Ecclésia tua spíritum pietátis et fortitúdinis,

qui dignos altáribus tuis éxcitet minístros,

et Evangélii tui strénuos ac mites assertóres effíciat.

Per Dóminum.

Plebis tuæ, quæsumus, Dómine,

preces et múnera benígnus inténde,

ut dispensatóres mysteriórum tuórum multiplicéntur,

et in amóre tuo iúgiter persevérent.

Per Christum.

In hoc cognóvimus caritátem Dei:

quóniam ille ánimam suam pro nobis pósuit,

et nos debémus pro frátribus ánimas pónere.

Pane mensæ cæléstis refécti, te, Dómine, deprecámur,

ut, per hoc sacraméntum caritátis, illa sémina maturéscant,

quæ magna in agrum Ecclésiæ tuæ largitáte dispérgis,

quátenus multi sorte sibi éligant tibi in frátribus ministráre.

Per Christum.