Eúntes in mundum univérsum,

prædicáte Evangélium omni creatúræ, allelúia.

Deus, qui beátum Marcum evangelístam tuum

evangélicæ prædicatiónis grátia sublimásti,

tríbue, quæsumus, eius nos eruditióne ita profícere,

ut vestígia Christi fidéliter sequámur.

Qui tecum.

Glóriam beáti Marci venerántes,

tibi, Dómine, hóstias laudis offérimus,

teque supplíciter deprecámur,

ut evangélica prædicátio

in Ecclésia tua iúgiter persevéret. Per Christum.

Ecce ego vobíscum sum ómnibus diébus

usque ad consummatiónem sæculi, dicit Dóminus, allelúia.

Præsta, quæsumus, omnípotens Deus,

ut, quod de sancto altári tuo accépimus, nos sanctíficet,

et in fide Evangélii, quod beátus Marcus prædicávit,

fortes effíciat.

Per Christum.