Die 30 decembris
Feria VI infra octavam Nativitatis
Sap 18, 14-15
Dum médium siléntium tenérent ómnia,
et nox in suo cursu médium iter habéret,
omnípotens sermo tuus, Dómine,
de cælis a regálibus sédibus venit.
Concéde, quæsumus, omnípotens Deus,
ut nos Unigéniti tui nova per carnem natívitas líberet,
quos sub peccáti iugo vetústa sérvitus tenet.
Per Dóminum.
Múnera, quæsumus, Dómine,
tuæ plebis propitiátus assúme,
ut, quæ fídei pietáte profiténtur,
sacraméntis cæléstibus apprehéndant.
Per Christum.
Quando adhibetur Canon romanus, dicitur Communicántes proprium.
Io 1, 16
De plenitúdine eius nos omnes accépimus,
et grátiam pro grátia.
Deus, qui nos sacraménti tui participatióne contíngis,
virtútis eius efféctus in nostris córdibus operáre,
ut suscipiéndo múneri tuo per ipsum munus aptémur.
Per Christum.