Prope es tu, Dómine, et omnes viæ tuæ véritas;

inítio cognóvi de testimóniis tuis, quia in ætérnum tu es.

Excita, Dómine, poténtiam tuam,

et magna nobis virtúte succúrre,

ut, quod nostra peccáta præpédiunt,

grátia tuæ propitiatiónis accéleret.

Per Dóminum.

Súscipe, quæsumus, Dómine, múnera,

quæ de tuis offérimus colláta benefíciis,

et, quod nostræ devotióni concédis éffici temporáli,

tuæ nobis fiat præmium redemptiónis ætérnæ.

Per Christum.

Iuste et pie vivámus in hoc sæculo,

exspectántes beátam spem et advéntum glóriæ magni Dei.

Prosint nobis, quæsumus, Dómine, frequentáta mystéria,

quibus nos, inter prætereúntia ambulántes,

iam nunc instítuis amáre cæléstia et inhærére mansúris.

Per Christum.