Ecce Dóminus véniet, et omnes sancti eius cum eo;

et erit in die illa lux magna.

Propitiáre, Dómine Deus, supplicatiónibus nostris,

et tribulántibus, quæsumus, tuæ concéde pietátis auxílium,

ut, de Fílii tui veniéntis præséntia consoláti,

nullis iam polluámur contágiis vetustátis.

Per Dóminum.

Placáre, Dómine, quæsumus,

nostræ précibus humilitátis et hóstiis,

et, ubi nulla súppetunt suffrágia meritórum,

tuæ nobis indulgéntiæ succúrre præsídiis.

Per Christum.

Corónam iustítiæ reddet iustus iudex

iis qui díligunt advéntum eius.

Repléti cibo spiritális alimóniæ,

súpplices te, Dómine, deprecámur,

ut, huius participatióne mystérii,

dóceas nos terréna sapiénter perpéndere,

et cæléstibus inhærére.

Per Christum.