Veni, et osténde nobis fáciem tuam, Dómine,

qui sedes super Chérubim, et salvi érimus.

Deus, qui, ad liberándum humánum genus

a vetustátis condicióne,

Unigénitum tuum in hunc mundum misísti,

largíre devóte exspectántibus supérnæ tuæ grátiam pietátis,

ut ad veræ perveniámus præmium libertátis.

Per Dóminum.

Devotiónis nostræ tibi, Dómine, quæsumus,

hóstia iúgiter immolétur,

quæ et sacri péragat institúta mystérii,

et salutáre tuum nobis poténter operétur.

Per Christum.

Ecce vénio cito et merces mea mecum est, dicit Dóminus,

dare unicuíque secúndum ópera sua.

Tuam, Dómine, cleméntiam implorámus,

ut hæc divína subsídia, a vítiis expiátos,

ad festa ventúra nos præparent.

Per Christum.