Véniet Dóminus et non tardábit,

et illuminábit abscóndita tenebrárum,

et manifestábit se ad omnes gentes.

Omnípotens Deus, qui nos præcipis

iter Christo Dómino præparáre,

concéde propítius, ut nullis infirmitátibus fatigémur,

qui cæléstis médici consolántem præséntiam sustinémus.

Per Dóminum.

Devotiónis nostræ tibi, Dómine, quæsumus,

hóstia iúgiter immolétur,

quæ et sacri péragat institúta mystérii,

et salutáre tuum nobis poténter operétur.

Per Christum.

Ecce Dóminus noster cum virtúte véniet,

ut illúminet óculos servórum suórum.

Tuam, Dómine, cleméntiam implorámus,

ut hæc divína subsídia, a vítiis expiátos,

ad festa ventúra nos præparent.

Per Christum.