Ecce Dóminus véniet, et omnes sancti eius cum eo;

et erit in die illa lux magna.

Deus, qui novam creatúram

per Unigénitum tuum nos esse fecísti,

in ópera misericórdiæ tuæ propítius intuére,

et in advéntu Fílii tui

ab ómnibus nos máculis vetustátis emúnda.

Per Dóminum.

Placáre, Dómine, quæsumus,

nostræ précibus humilitátis et hóstiis,

et, ubi nulla súppetunt suffrágia meritórum,

tuæ nobis indulgéntiæ succúrre præsídiis.

Per Christum.

Corónam iustítiæ reddet iustus iudex

iis qui díligunt advéntum eius.

Repléti cibo spiritális alimóniæ,

súpplices te, Dómine, deprecámur,

ut, huius participatióne mystérii,

dóceas nos terréna sapiénter perpéndere,

et cæléstibus inhærére.

Per Christum.