Véniet Dóminus et non tardábit,

et illuminábit abscóndita tenebrárum,

et manifestábit se ad omnes gentes.

Præsta, quæsumus, omnípotens Deus,

ut Fílii tui ventúra sollémnitas

et præséntis nobis vitæ remédia largiátur,

et præmia ætérna concédat.

Per Dóminum.

Devotiónis nostræ tibi, Dómine, quæsumus,

hóstia iúgiter immolétur,

quæ et sacri péragat institúta mystérii,

et salutáre tuum nobis poténter operétur.

Per Christum.

Ecce Dóminus noster cum virtúte véniet,

ut illúminet óculos servórum suórum.

Tuam, Dómine, cleméntiam implorámus,

ut hæc divína subsídia, a vítiis expiátos,

ad festa ventúra nos præparent.

Per Christum.