Ego autem in Dómino sperábo.

Exsultábo, et lætábor in tua misericórdia,

quia respexísti humilitátem meam.

Deus, qui ineffabílibus mundum rénovas sacraméntis,

præsta, quæsumus,

ut Ecclésia tua et ætérnis profíciat institútis,

et temporálibus non destituátur auxíliis.

Per Dóminum.

Dicátæ tibi, Dómine, quæsumus,

capiámus oblatiónis efféctum,

ut, a terrénæ vetustátis conversatióne mundáti,

cæléstis vitæ proféctibus innovémur.

Per Christum.

Spíritum meum ponam in médio vestri,

et fáciam ut in præcéptis meis ambulétis,

et iudícia mea custodiátis, et operémini,

dicit Dóminus.

Sancta tua nos, Dómine, quæsumus,

et renovándo vivíficent,

et sanctificándo ad ætérna perdúcant.

Per Christum.

Plebem tuam, Dómine, quæsumus,

intérius exteriúsque restáura,

ut quam corpóreis non vis delectatiónibus impedíre,

spiritáli fácias vigére propósito.

Per Christum.