Dominica I
Adventus - Anno B
Léctio libri Isaíæ prophétæ 63, 16b-17.19b ; 64, 2b-7
FRA •
L/F •
CMT
Tu, Domine, pater noster, redemptor noster: a sæculo nomen tuum. Quare errare nos fecisti, Domine, de viis tuis, indurasti cor nostrum, ne timeremus te? Convertere propter servos tuos, tribus hereditatis tuæ.
Utinam dirumperes cælos et descenderes! A facie tua montes defluerent.
Descendisti, et a facie tua montes defluxerunt. A sæculo non audierunt, neque aures perceperunt; oculus non vidit Deum, absque te, qui operaretur pro sperantibus in eum. Occurris lætanti, facienti iustitiam et his, qui in viis tuis recordantur tui.
Ecce tu iratus es, et peccavimus; in ipsis a sæculo nos salvabimur. Et facti sumus ut immundus omnes nos, et quasi pannus inquinatus universæ iustitiæ nostræ; et marcuimus quasi folium universi, et iniquitates nostræ quasi ventus abstulerunt nos.
Non est qui invocet nomen tuum, qui consurgat et adhæreat tibi, quia abscondisti faciem tuam a nobis et dissolvisti nos in manu iniquitatis nostræ. Et nunc, Domine, pater noster es tu, nos vero lutum; et fictor noster tu, et opera manuum tuarum omnes nos.
Psalmus responsorius 80(79), 2ac.3bc, 15-16, 18-19
FRA •
L/F •
CMTR/ Deus, convérte nos, illústra fáciem tuam, et salvi érimus.
Qui pascis Israel, intende,
Qui sedes super cherubim, effulge
Excita potentiam tuam et veni,
ut salvos facias nos.
Deus virtutum, convertere,
respice de cælo et vide et visita vineam istam.
Et protege eam, quam plantavit dextera tua,
et super filium hominis, quem confirmasti tibi.
Fiat manus tua super virum dexteræ tuæ,
super filium hominis, quem confirmasti tibi.
Et non discedemus a te, vivificabis nos,
et nomen tuum invocabimus.
Léctio Epístolæ primæ béati Pauli apóstoli ad Corínthios 1, 3-9
FRA •
L/F •
CMT
Fratres:
Gratia vobis et pax a Deo Patre nostro et Domino Iesu Christo.
Gratias ago Deo meo semper pro vobis in gratia Dei, quæ data est vobis in Christo Iesu, quia in omnibus divites facti estis in illo, in omni verbo et in omni scientia, sicut testimonium Christi confirmatum est in vobis, ita ut nihil vobis desit in ulla donatione, exspectantibus revelationem Domini nostri Iesu Christi; qui et confirmabit vos usque ad finem sine crimine in die Domini nostri Iesu Christi. Fidelis Deus, per quem vocati estis in communionem Filii eius Iesu Christi Domini nostri.
Allelúia
Osténde nobis, Dómine, misericórdiam tuam, et salutáre tuum da nobis.
Léctio sancti Evangélii secúndum Marcum 13, 33-37
FRA •
L/F •
CMT
In illo tempore: Dixit Iesus discipulis suis:
« Videte, vigilate; nescitis enim, quando tempus sit. Sicut homo, qui peregre profectus reliquit domum suam et dedit servis suis potestatem, unicuique opus suum, ianitori quoque præcepit, ut vigilaret.
Vigilate ergo; nescitis enim quando dominus domus veniat, sero an media nocte an galli cantu an mane; ne, cum venerit repente, inveniat vos dormientes.
Quod autem vobis dico, omnibus dico: Vigilate! ».