Feria VI - Hebd III
Adventus
Léctio libri Isaíæ prophétæ 56, 1-3a.6-8
FRA •
L/F •
CMT
Hæc dicit Dominus:
« Custodite iudicium et facite iustitiam, quia iuxta est salus mea, ut veniat, et iustitia mea, ut reveletur ». Beatus vir, qui facit hoc, et filius hominis, qui apprehendit istud, custodiens sabbatum, ne polluat illud, custodiens manum suam, ne faciat omne malum. Et non dicat filius advenæ, qui adhæret Domino, dicens: « Separatione dividet me Dominus a populo suo ». Et non dicat eunuchus: « Ecce, ego lignum aridum ».
Et filios advenæ, qui adhærent Domino, ut colant eum, ut diligant nomen Domini, ut sint ei in servos, omnes custodientes sabbatum, ne polluant illud, et tenentes fœdus meum, adducam eos in montem sanctum meum et lætificabo eos in domo orationis meæ: holocausta eorum et victimæ eorum placebunt mihi super altari meo, quia domus mea domus orationis vocabitur cunctis populis ».
Ait Dominus Deus, qui congregat dispersos Israel: « Adhuc congregabo ad eum præter congregatos eius ».
Psalmus responsorius 67(66), 2-3, 5, 7-8
FRA •
L/F •
CMTR/ Confiteántur tibi pópuli, Deus, confiteántur tibi pópuli omnes.
Deus misereatur nostri et benedicat nobis;
illuminet vultum suum super nos.
Ut cognoscatur in terra via tua,
in omnibus gentibus salutare tuum.
Lætentur et exsultent gentes,
quoniam iudicas populos in æquitate
et gentes in terra dirigis.
Terra dedit fructum suum;
benedicat nos Deus, Deus noster,
benedicat nos Deus,
et metuant eum omnes fines terræ.
Allelúia
Veni, Dómine, visitáre nos in pace, ut lætémur coram te corde perfécto.
Léctio sancti Evangélii secúndum Ioánnem 5, 33-36
FRA •
L/F •
CMT
In illo tempore: Dixit Iesus Iudæis:
« Vos misistis ad Ioannem, et testimonium perhibuit veritati; ego autem non ab homine testimonium accipio, sed hæc dico, ut vos salvi sitis. Ille erat lucerna ardens et lucens; vos autem voluistis exsultare ad horam in luce eius.
Ego autem habeo testimonium maius Ioanne; opera enim, quæ dedit mihi Pater, ut perficiam ea, ipsa opera, quæ ego facio, testimonium perhibent de me, quia Pater me misit ».