Sabbato Cinerum
Léctio libri Isaíæ prophétæ 58, 9b-14
FRA •
L/F •
CMT
Hæc dicit Dominus:
« Si abstuleris de medio tui iugum et desieris extendere digitum et loqui iniquitatem; si effuderis esurienti animam tuam et animam afflictam satiaveris, orietur in tenebris lux tua, et caligo tua erit sicut meridies. Et te ducet Dominus semper, et satiabit in locis aridis animam tuam et ossa tua firmabit; et eris quasi hortus irriguus et sicut fons aquarum, cuius non deficient aquæ.
Et reædificabit gens tua ruinas antiquas; fundamenta generationis et generationis suscitabis: et vocaberis restitutor ruinarum, instaurator viarum, ut habitentur.
Si averteris a sabbato pedem tuum, facere negotia tua in die sancto meo, et vocaveris sabbatum delicias et diem Domino sacrum gloriosum; et glorificaveris eum relinquens vias tuas et negotia tua et sermones tuos, tunc delectaberis super Domino; et vehi te faciam super altitudines terræ et cibabo te hereditate Iacob patris tui.
Os enim Domini locutum est ».
Psalmus responsorius 86(85), 1-2, 3-4, 5-6
FRA •
L/F •
CMTR/ Doce me, Dómine, viam tuam, et ingrédiar in veritáte tua.
Inclina, Domine, aurem tuam et exaudi me,
quoniam inops et pauper sum ego.
Custodi animam meam, quoniam sanctus sum;
salvum fac servum tuum, Deus meus, sperantem in te.
Miserere mei, Domine, quoniam ad te clamavi tota die.
Lætifica animam servi tui,
quoniam ad te, Domine, animam meam levavi.
Quoniam tu, Domine, suavis et mitis
et multæ misericordiæ omnibus invocantibus te.
Auribus percipe, Domine, orationem meam,
et intende voci deprecationis meæ.
Nolo mortem ímpii, dicit Dóminus, sed ut revertátur a via sua et vivat.
Léctio sancti Evangélii secúndum Lucam 5, 27-32
FRA •
L/F •
CMT
In illo tempore:
Vidit Iesus publicanum nomine Levi sedentem ad teloneum et ait illi: « Sequere me ». Et relictis omnibus, surgens secutus est eum.
Et fecit ei convivium magnum Levi in domo sua; et erat turba multa publicanorum et aliorum, qui cum illis erant discumbentes. Et murmurabant pharisæi et scribæ eorum adversus discipulos eius dicentes: « Quare cum publicanis et peccatoribus manducatis et bibitis? ».
Et respondens Iesus dixit ad illos: « Non egent, qui sani sunt, medico, sed qui male habent. Non veni vocare iustos sed peccatores in pænitentiam ».