Feria IV - Hebd XXIV
Tempus « per annum » - Anno primo
Léctio Epístolæ primæ béati Pauli apóstoli ad Timótheum 3, 14-16
FRA •
L/F •
CMT
Carissime:
Hæc tibi scribo sperans venire ad te cito; si autem tardavero, ut scias quomodo oporteat in domo Dei conversari, quæ est Ecclesia Dei vivi, columna et firmamentum veritatis.
Et omnium confessione magnum est pietatis mysterium: Qui manifestatus est in carne, iustificatus est in Spiritu, apparuit angelis, prædicatus est in gentibus, creditus est in mundo, assumptus est in gloria.
Psalmus responsorius 111(110), 1-2, 3-4, 5-6
FRA •
L/F •
CMTR/ Memor erit Dóminus in sæculum testaménti sui.
vel
R/ Allelúia.
Confitebor Domino in toto corde meo,
in consilio iustorum et congregatione.
Magna opera Domini,
exquirenda omnibus, qui cupiunt ea.
Decor et magnificentia opus eius,
et iustitia eius manet in sæculum sæculi.
Memoriam fecit mirabilium suorum,
misericors et miserator Dominus.
Escam dedit timentibus se;
memor erit in sæculum testamenti sui.
Virtutem operum suorum annuntiavit populo suo,
ut det illis hereditatem gentium.
Allelúia
Verba tua, Dómine, Spíritus sunt et vita sunt; verba vitæ ætérnæ habes.
Léctio sancti Evangélii secúndum Lucam 7, 31-35
FRA •
L/F •
CMT
In illo tempore: Dixit Iesus turbis:
Cui ergo similes dicam homines generationis huius, et cui similes sunt? Similes sunt pueris sedentibus in foro et loquentibus ad invicem, quod dicit: «Cantavimus vobis tibiis, et non saltastis; lamentavimus, et non plorastis!».
Venit enim Ioannes Baptista neque manducans panem neque bibens vinum, et dicitis: «Dæmonium habet!»; venit Filius hominis manducans et bibens, et dicitis: «Ecce homo devorator et bibens vinum, amicus publicanorum et peccatorum!». Et iustificata est sapientia ab omnibus filiis suis ».