Feria III - Hebd XXV
Tempus « per annum » - Anno secundo
Léctio libri Proverbiórum 21, 1-6.10-13
FRA •
L/F •
CMT
Sicut rivi aquarum cor regis in manu Domini: quocumque voluerit, inclinabit illud. Omnis via viri recta sibi videtur; appendit autem corda Dominus.
Facere misericordiam et iudicium magis placet Domino quam victimæ.
Exaltatio oculorum et dilatatio cordis, lucerna impiorum: peccatum.
Cogitationes sollertis semper in abundantiam; omnis autem festinus semper in egestate est.
Qui congregat thesauros lingua mendacii, vento impingetur ad laqueos mortis.
Anima impii desiderat malum; non miserebitur proximo suo. Multato derisore sapientior erit parvulus; et, si instruatur sapiens, sumet scientiam.
Excogitat Iustus de domo impii, ut præcipitet impios in malum. Qui obturat aurem suam ad clamorem pauperis, et ipse clamabit, et non exaudietur.
Psalmus responsorius 119(118), 1, 27, 30, 34, 35, 44
FRA •
L/F •
CMTR/ Deduc me, Dómine, in sémitam præceptórum tuórum.
Beati immaculati in via,
qui ambulant in lege Domini.
Viam mandatorum tuorum fac me intellegere,
et exercebor in mirabilibus tuis.
Viam veritatis elegi,
iudicia tua proposui mihi.
Da mihi intellectum, et servabo legem tuam
et custodiam illam in toto corde meo.
Deduc me in semitam præceptorum tuorum,
quia ipsam volui.
Et custodiam legem tuam semper,
in sæculum et in sæculum sæculi.
Allelúia
Beáti qui áudiunt verbum Dei, et custódiunt.
Léctio sancti Evangélii secúndum Lucam 8, 19-21
FRA •
L/F •
CMT
In illo tempore:
Venerunt ad Iesum mater et fratres eius, et non poterant adire ad eum præ turba. Et nuntiatum est illi: « Mater tua et fratres tui stant foris volentes te videre ».
Qui respondens dixit ad eos: « Mater mea et fratres mei hi sunt, qui verbum Dei audiunt et faciunt ».