Salus pópuli ego sum, dicit Dóminus.

De quacúmque tribulatióne clamáverint ad me,

exáudiam eos, et ero illórum Dóminus in perpétuum.

Deus, qui sacræ legis ómnia constitúta

in tua et próximi dilectióne posuísti,

da nobis, ut, tua præcépta servántes,

ad vitam mereámur perveníre perpétuam.

Per Dóminum.

Múnera, quæsumus, Dómine, tuæ plebis propitiátus assúme,

ut, quæ fídei pietáte profiténtur,

sacraméntis cæléstibus apprehéndant.

Per Christum.

Tu mandásti mandáta tua custodíri nimis;

útinam dirigántur viæ meæ

ad custodiéndas iustificatiónes tuas.

Ego sum pastor bonus, dicit Dóminus;

et cognósco oves meas, et cognóscunt me meæ.

Quos tuis, Dómine, réficis sacraméntis,

contínuis attólle benígnus auxíliis,

ut redemptiónis efféctum

et mystériis capiámus et móribus.

Per Christum.