Dominica XXIX
Tempus « per annum » - Anno A
Léctio libri Isaíæ prophétæ 45, 1.4-6
FRA •
L/F •
CMT
Hæc dicit Dominus de uncto suo Cyro: « Apprehendi dexteram eius, ut subiciam ante faciem eius gentes et dorsa regum vertam et aperiam coram eo ianuas; et portæ non claudentur.
Propter servum meum Iacob et Israel electum meum, et vocavi te nomine tuo; designavi te, et non cognovisti me. Ego Dominus, et non est amplius: extra me non est Deus. Accinxi te, et non cognovisti me, ut sciant ab ortu solis et ab occidente quoniam absque me nullus est. Ego Dominus, et non est alter ».
Psalmus responsorius 96(95), 1.3, 4.5, 7-8a, 9.10ac
FRA •
L/F •
CMTR/ Afférte Dómino glóriam et poténtiam.
Cantate Domino canticum novum,
cantate Domino, omnis terra.
Annuntiate inter gentes gloriam eius,
in omnibus populis mirabilia eius.
Quoniam magnus Dominus et laudabilis nimis,
terribilis est super omnes deos.
Quoniam omnes dii gentium inania,
Dominus autem cælos fecit.
Afferte Domino, familiæ populorum,
afferte Domino gloriam et potentiam,
afferte Domino gloriam nominis eius.
Adorate Dominum in splendore sancto.
Contremiscite a facie eius, universa terra;
dicite in gentibus: « Dominus regnavit! ».
Iudicabit populos in æquitate.
Léctio Epístolæ primæ béati Pauli apóstoli ad Thessalonicénses 1, 1-5b
FRA •
L/F •
CMT
Paulus et Silvanus et Timotheus Ecclesiæ Thessalonicensium in Deo Patre et Domino Iesu Christo: gratia vobis et pax.
Gratias agimus Deo semper pro omnibus vobis, memoriam facientes in orationibus nostris, sine intermissione; memores operis fidei vestræ et laboris caritatis et sustinentiæ spei Domini nostri Iesu Christi ante Deum et Patrem nostrum; scientes, fratres, dilecti a Deo, electionem vestram, quia Evangelium nostrum non fuit ad vos in sermone tantum sed et in virtute et in Spiritu Sancto et in plenitudine multa.
Allelúia
Lucétis sicut luminária in mundo, verbum vitæ fírmiter tenéntes.
Léctio sancti Evangélii secúndum Matthæum 22, 15-21
FRA •
L/F •
CMT
In illo tempore:
Abeuntes pharisæi consilium inierunt, ut caperent Iesum in sermone.
Et mittunt ei discipulos suos cum herodianis dicentes: « Magister, scimus quia verax es et viam Dei in veritate doces, et non est tibi cura de aliquo; non enim respicis personam hominum. Dic ergo nobis quid tibi videatur: Licet censum dare Cæsari an non? ».
Cognita autem Iesus nequitia eorum, ait: « Quid me tentatis, hypocritæ? Ostendite mihi nomisma census ». At illi obtulerunt ei denarium.
Et ait illis: « Cuius est imago hæc et suprascriptio? ».
Dicunt ei: « Cæsaris ».
Tunc ait illis: « Reddite ergo, quæ sunt Cæsaris, Cæsari et, quæ sunt Dei, Deo ».