Dominica VI
Tempus « per annum » - Anno B
Léctio libri Levítici 13, 1-2.44-46
FRA •
L/F •
CMT
Locutus est Dominus ad Moysen et Aaron dicens:
« Homo, in cuius carne et cute ortus fuerit tumor sive pustula aut quasi lucens quippiam, id est plaga lepræ, adducetur ad Aaron sacerdotem vel ad unum quemlibet filiorum eius sacerdotum.
Vir maculatus est lepra, et sacerdos omnino decernet eum esse immundum; plaga est in capite eius. Leprosus hac plaga percussus habebit vestimenta dissuta, comam capitis excussam, barbam contectam; clamabit: "Immundus! Immundus!". Omni tempore, quo leprosus est immundus, immundus est et solus habitabit extra castra ».
Psalmus responsorius 32(31), 1-2, 5, 11
FRA •
L/F •
CMTR/ Tu es refúgium meum, exsultatiónibus salútis circumdábis me.
Beatus, cui remissa est iniquitas,
et obtectum est peccatum.
Beatus vir, cui non imputavit Dominus delictum,
nec est in spiritu eius dolus.
Peccatum meum cognitum tibi feci
et delictum meum non abscondi.
Dixi: « Confitebor adversum me iniquitatem meam Domino ».
Et tu remisisti impietatem peccati mei.
Lætamini in Domino et exsultate, iusti;
et gloriamini, omnes recti corde.
Léctio Epístolæ primæ béati Pauli apóstoli ad Corínthios 10, 31-33 - 11, 1
FRA •
L/F •
CMT
Fratres:
Sive manducatis sive bibitis sive aliud quid facitis, omnia in gloriam Dei facite. Sine offensione estote Iudæis et Græcis et Ecclesiæ Dei, sicut et ego per omnia omnibus placeo, non quærens, quod mihi utile est, sed quod multis, ut salvi fiant.
Imitatores mei estote, sicut et ego Christi.
Allelúia
Prophéta magnus surréxit in nobis, et Deus visitávit plebem suam.
Lectio sancti Evangelii secundum Marcum 1, 40-45
FRA •
L/F •
CMT
In illo tempore:
Venit ad Iesum leprosus deprecans eum et genu flectens et dicens ei: « Si vis, potes me mundare ». Et misertus extendens manum suam tetigit eum et ait illi: « Volo, mundare! »; et statim discessit ab eo lepra, et mundatus est.
Et infremuit in eum statimque eiecit illum et dicit ei: «Vide, nemini quidquam dixeris; sed vade, ostende te sacerdoti et offer pro emundatione tua, quæ præcepit Moyses, in testimonium illis ».
At ille egressus cœpit prædicare multum et diffamare sermonem, ita ut iam non posset manifesto in civitatem introire, sed foris in desertis locis erat; et conveniebant ad eum undique.