COMMUNE MARTYRUM
Pro pluribus martyribus extra tempus paschale
Hæc formularia adhiberi possunt iuxta normas etiam in tempore Quadragesimæ, ubi agitur aliquæ celebratio beatæ Mariæ Virginis in calendario proprio rite inscripta.
Commune Martyrum :
01 •
02 • 03 •
04 •
05 Cf. Ps 36, 39
Salus iustórum a Dómino,
et protéctor eórum est in témpore tribulatiónis.
Vel:
Cf. Sap 3, 6-7.9
Tamquam aurum in fornáce probávit eléctos Dóminus,
et quasi holocáusti hóstiam accépit illos;
et in témpore erit respéctus illórum:
quóniam donum et pax erit eléctis Dei.
Commune Martyrum :
01 •
02 • 03 •
04 •
05 Fratérna nos, Dómine,
mártyrum tuórum coróna lætíficet,
quæ et fídei nostræ præbeat increménta virtútum,
et multíplici nos suffrágio consolétur.
Per Dóminum.
Vel:
Beatórum mártyrum N. et N., quæsumus, Dómine,
tibi nos orátio grata comméndet,
et in tuæ veritátis professióne confírmet.
Per Dóminum.
Commune Martyrum :
01 •
02 • 03 •
04 •
05 Súscipe, quæsumus, Dómine, múnera pópuli tui
pro mártyrum tuórum passiónibus dicáta sanctórum,
et, quæ beátis N. et N.
in persecutióne fortitúdinem ministrárunt,
nobis quoque præbeant inter advérsa constántiam.
Per Christum.
Commune Martyrum :
01 •
02 • 03 •
04 •
05 Cf. Mc 8, 35
Qui perdíderit ánimam suam
propter me et Evangélium,
salvam fáciet eam, dicit Dóminus.
Vel:
Cf. Sap 3, 4
Si coram homínibus torménta passi sunt,
spes electórum est immórtalis in ætérnum.
Commune Martyrum :
01 •
02 • 03 •
04 •
05 Consérva in nobis, Dómine, munus tuum,
et quod, te donánte,
pro festivitáte beatórum mártyrum N. et N. percépimus,
et salútem nobis præstet et pacem.
Per Christum.