Hic est vere martyr,

qui pro Christi nómine sánguinem suum fudit,

qui minas iúdicum non tímuit,

sed ad cæléstia regna pervénit.

Omnia detriméntum fecit ad cognoscéndum Christum,

et communiónem passiónum illíus,

confórmans se morti eius.

Omnípotens sempitérne Deus,

qui beáto N. usque ad mortem

pro iustítia certáre tribuísti,

fac nos, eius intercessióne,

pro amóre tuo ómnia advérsa toleráre

et ad te, qui solus es vita,

tota virtúte properáre.

Per Dóminum.

Clementíssime Deus,

múnera hæc tua benedictióne perfúnde

et nos in fide confírma,

quam beátus N. effúso sánguine asséruit.

Per Christum.

Hóstias tibi, Dómine,

pro commemoratióne beáti mártyris tui N. offérimus,

quem a Christi córporis unitáte

nulla tentátio separávit.

Per Christum.

Ego sum vitis vera et vos pálmites, dicit Dóminus;

qui manet in me et ego in eo, hic fert fructum multum.

Qui séquitur me, non ámbulat in ténebris,

sed habébit lumen vitæ, dicit Dóminus.

Sacris, Dómine, recreáti mystériis,

quæsumus, ut, miram beáti N. constántiam æmulántes,

patiéntiæ præmium cónsequi mereámur ætérnum.

Per Christum.