Deus meus es tu, et confitébor tibi:

Deus meus es tu, et exaltábo te;

confitébor tibi, quóniam factus es mihi in salútem.

Da nobis, omnípotens Deus,

beáti Thomæ apóstoli festivitáte gloriári,

ut eius semper et patrocíniis sublevémur,

et vitam credéntes habeámus in nómine eius,

quem ipse Dóminum agnóvit, Iesum Christum Fílium tuum.

Qui tecum.

Débitum tibi, Dómine, nostræ réddimus servitútis,

supplíciter exorántes,

ut in nobis tua múnera tueáris,

qui in confessióne beáti Thomæ apóstoli

laudis tibi hóstias immolámus.

Per Christum.

Mitte manum tuam, et cognósce loca clavórum:

et noli esse incrédulus, sed fidélis.

Deus, cuius Unigéniti Corpus

in hoc veráciter suscípimus sacraménto,

præsta, quæsumus,

ut, quem Dóminum Deúmque nostrum

cum apóstolo Thoma fide cognóscimus,

ipsum ópere quoque profiteámur et vita.

Qui vivit et regnat in sæcula sæculórum.