Elégit eum Dóminus sibi in sacerdótem magnum,

et apériens thesáurum suum

abundáre eum fecit ómnibus bonis.

Ecce sacérdos magnus,

qui in diébus suis plácuit Deo:

ídeo iure iurándo fecit illum Dóminus créscere

in plebem suam.

Auxiliáre, Dómine, pópulo tuo,

beáti Silvéstri papæ intercessióne suffúlto,

ut, præséntem vitam sub tua gubernatióne transcúrrens,

mereátur felíciter inveníre perpétuam.

Per Dóminum.

Súscipe, quæsumus, Dómine, hoc sacrifícium pópuli tui,

ut, quod tibi in honóre beáti Silvéstri papæ offértur ad glóriam,

nobis tríbuas ad salútem perpétuam.

Per Christum.

Pastor bonus ánimam suam pósuit

pro óvibus suis.

Sacraménta quæ súmpsimus, Dómine Deus noster,

in nobis fóveant caritátis ardórem,

quo beátus Silvéster papa veheménter accénsus

pro Ecclésia tua se iúgiter impendébat.

Per Christum.