In princípio et ante sæcula Deus erat Verbum,

et ipse nasci dignátus est Salvátor mundi.

Deus, qui pópulo tuo, Unigéniti tui nativitáte,

redemptiónis efféctum mirabíliter inchoásti,

ita, quæsumus, fídei fámulis tuis tríbue firmitátem,

ut usque ad promíssum glóriæ præmium,

ipso gubernánte, pervéniant.

Qui tecum.

Súscipe, Dómine, múnera nostra,

quibus exercéntur commércia gloriósa,

ut, offeréntes quæ dedísti,

teípsum mereámur accípere.

Per Christum.

Sic Deus diléxit mundum,

ut Fílium suum Unigénitum daret,

ut omnis, qui credit in eum, non péreat,

sed hábeat vitam ætérnam.

Da, quæsumus, omnípotens Deus,

ut, mysteriórum virtúte sanctórum,

iúgiter vita nostra firmétur.

Per Christum.