Dies sanctificátus illúxit nobis:

veníte, gentes, et adoráte Dóminum,

quia descéndit lux magna super terram.

Da, quæsumus, Dómine,

pópulo tuo inviolábilem fídei firmitátem,

ut, qui Unigénitum tuum

in tua tecum glória sempitérnum

in veritáte nostri córporis natum

de Matre Vírgine confiténtur,

et a præséntibus liberéntur advérsis,

et mansúris gáudiis inserántur.

Per Dóminum.

Súscipe, Dómine, múnera nostra,

quibus exercéntur commércia gloriósa,

ut, offeréntes quæ dedísti,

teípsum mereámur accípere.

Per Christum.

Vídimus glóriam eius, glóriam quasi Unigéniti a Patre,

plenum grátiæ et veritátis.

Da, quæsumus, omnípotens Deus,

ut, mysteriórum virtúte sanctórum,

iúgiter vita nostra firmétur.

Per Christum.