Feria tertia post Epiphaniam
Tempus Nativitatis
Ps 117, 26-27
Benedíctus qui venit in nómine Dómini:
Deus Dóminus et illúxit nobis.
Deus, cuius Unigénitus in substántia nostræ carnis appáruit,
præsta, quæsumus, ut per eum,
quem símilem nobis foris agnóvimus,
intus reformári mereámur.
Qui tecum.
Lectiones:
• si Epiphania celebratur dominica a die 2 ad diem 8 ianuarii:
Feria tertia• si Epiphania celebratur die 6 ianuarii occurrente:
7 ian -
8 ian
Múnera, quæsumus, Dómine,
tuæ plebis propitiátus assúme,
ut, quæ fídei pietáte profiténtur,
sacraméntis cæléstibus apprehéndant.
Per Christum.
Eph 2, 4; Rom 8, 3
Propter nímiam caritátem suam,
qua diléxit nos Deus,
Fílium suum misit in similitúdinem carnis peccáti.
Deus, qui nos sacraménti tui participatióne contíngis,
virtútis eius efféctus in nostris córdibus operáre,
ut suscipiéndo múneri tuo per ipsum munus aptémur.
Per Christum.