Rex noster advéniet Christus,

quem Ioánnes prædicávit Agnum esse ventúrum.

Concéde, quæsumus, omnípotens Deus,

ut, qui sub peccáti iugo ex vetústa servitúte deprímimur,

exspectáta Unigéniti tui nova nativitáte liberémur.

Per Dóminum.

Sacrifícium tibi, Dómine, celebrándum

tuo nómini nos reddat accéptos,

ut ipsíus æternitátis mereámur esse consórtes,

qui mortalitátem nostram sua mortalitáte curávit.

Qui vivit et regnat in sæcula sæculórum.

Vocábunt nomen eius Emmánuel,

quod est interpretátum Nobíscum-Deus.

Suscipiámus, Dómine, misericórdiam tuam

in médio templi tui,

et redemptiónis nostræ ventúra sollémnia

cóngruis honóribus præcedámus.

Per Christum.