Egrediétur virga de radíce Iesse,

et replébitur omnis terra glória Dómini,

et vidébit omnis caro salutáre Dei.

Deus, æterna maiéstas, cuius ineffábile Verbum,

Angelo nuntiánte, Virgo immaculáta suscépit,

et, domus divinitátis effécta, Sancti Spíritus luce replétur,

quæsumus, ut nos, eius exémplo,

voluntáti tuæ humíliter adhærére valeámus.

Per Dóminum.

Inténde, quæsumus, Dómine, sacrifícium singuláre,

ut, huius participatióne mystérii,

quæ speránda crédimus, exspectáta sumámus.

Per Christum.

Dixit Angelus ad Maríam:

Ecce concípies et páries fílium,

et vocábis nomen eius Iesum.

Quos múnere cælésti réficis, Dómine,

divíno tuére præsídio,

ut, tuis mystériis perfruéntes,

in vera fácias pace gaudére.

Per Christum.