Ecce Dóminus véniet cum splendóre descéndens

visitáre pópulum suum in pace,

et constitúere super eum vitam sempitérnam.

Excita, quæsumus, Dómine, poténtiam tuam, et veni,

ut, ab imminéntibus peccatórum nostrórum perículis,

te mereámur protegénte éripi,

te liberánte salvári.

Qui vivis et regnas cum Deo Patre

in unitáte Spíritus Sancti, Deus

per ómnia sæcula sæculórum.

Placáre, Dómine, quæsumus,

nostræ précibus humilitátis et hóstiis,

et, ubi nulla súppetunt suffrágia meritórum,

tuæ nobis indulgéntiæ succúrre præsídiis.

Per Christum.

Salvatórem exspectámus Dóminum Iesum Christum,

qui reformábit corpus humilitátis nostræ,

configurátum córpori claritátis suæ.

Repléti cibo spiritális alimóniæ,

súpplices te, Dómine, deprecámur,

ut, huius participatióne mystérii,

dóceas nos terréna sapiénter perpéndere,

et cæléstibus inhærére.

Per Christum.