Concupíscit et déficit ánima mea in átria Dómini.

Cor meum et caro mea exsultavérunt in Deum vivum.

Ecclésiam tuam, Dómine,

miserátio continuáta mundet et múniat,

et quia sine te non potest salva consístere,

tuo semper múnere gubernétur.

Per Dóminum.

Munus quod tibi, Dómine,

nostræ servitútis offérimus,

tu salutáre nobis pérfice sacraméntum.

Per Christum.

Laudáte Dóminum, omnes gentes,

quóniam confirmáta est super nos misericórdia eius.

Tui nobis, quæsumus, Dómine,

commúnio sacraménti

et purificatiónem cónferat,

et tríbuat unitátem.

Per Christum.

Tueátur, quæsumus, Dómine,

déxtera tua pópulum deprecántem,

et purificátum dignánter erúdiat,

ut consolatióne præsénti ad futúra bona profíciat.

Per Christum.