Miserére mihi, Dómine, quóniam conculcávit me homo,

tota die bellans tribulávit me.

Deus, per cuius ineffábilem grátiam

omni benedictióne ditámur,

præsta nobis ita in novitátem a vetustáte transíre,

ut regni cæléstis glóriæ præparémur.

Per Dóminum.

Concéde nobis, Dómine, quæsumus,

ut, celebratúri sancta mystéria,

tamquam pæniténtiæ corporális fructum,

lætam tibi exhibeámus méntium puritátem.

Per Christum.

Nemo te condemnávit, múlier? Nemo, Dómine.

Nec ego te condemnábo: iam ámplius noli peccáre.

Ego sum lux mundi, dicit Dóminus:

qui séquitur me non ámbulat in ténebris,

sed habébit lumen vitæ.

Sacramentórum tuórum benedictióne roboráti,

quæsumus, Dómine,

ut per hæc semper emundémur a vítiis,

et per sequélam Christi ad te festinánter gradiámur.

Qui vivit et regnat in sæ cula sæculórum.

Líbera, Dómine, quæsumus,

a peccátis tibi pópulum supplicántem,

ut in sancta conversatióne vivens

nullis affligátur advérsis.

Per Christum.