Hebdomada I
Tempus « per annum » - Anno primo
LECT • MISSA •
HEURES •
CMT
Dominica prima “ per annum ” fit festum Baptismatis Domini
In excélso throno vidi sedére virum,
quem adórat multitúdo Angelórum, psalléntes in unum:
Ecce cuius impérii nomen est in ætérnum.
Vota, quæsumus, Dómine,
supplicántis pópuli cælésti pietáte proséquere,
ut et quæ agénda sunt vídeant,
et ad implénda quæ víderint convaléscant.
Per Dóminum.
Grata tibi sit, quæsumus, Dómine, tuæ plebis oblátio,
per quam et sanctificatiónem réferat,
et quæ pie precátur obtíneat.
Per Christum.
Ps 35, 10
Dómine, apud te est fons vitæ,
et in lúmine tuo vidébimus lumen.
Io 10, 10
Ego veni, ut vitam hábeant,
et abundántius hábeant, dicit Dóminus.
Súpplices te rogámus, omnípotens Deus,
ut, quos tuis réficis sacraméntis,
tibi étiam plácitis móribus dignánter deservíre concédas.
Per Christum.