Ego autem cum iustítia apparébo in conspéctu tuo;

satiábor dum manifestábitur glória tua.

Deus, qui errántibus, ut in viam possint redíre,

veritátis tuæ lumen osténdis,

da cunctis qui christiána professióne censéntur,

et illa respúere, quæ huic inimíca sunt nómini,

et ea quæ sunt apta sectári.

Per Dóminum.

Réspice, Dómine, múnera supplicántis Ecclésiæ,

et pro credéntium sanctificatiónis increménto

suménda concéde.

Per Christum.

Passer invénit sibi domum

et turtur nidum, ubi repónat pullos suos.

Altária tua, Dómine virtútum, Rex meus, et Deus meus!

Beáti qui hábitant in domo tua,

in sæculum sæculi laudábunt te.

Qui mandúcat meam carnem et bibit meum sánguinem,

in me manet et ego in eo, dicit Dóminus.

Sumptis munéribus, quæsumus, Dómine,

ut, cum frequentatióne mystérii,

crescat nostræ salútis efféctus.

Per Christum.