Lætétur cor quæréntium Dóminum.

Quærite Dóminum, et confirmámini,

quærite fáciem eius semper.

Omnípotens sempitérne Deus,

da nobis fídei, spei et caritátis augméntum,

et, ut mereámur ássequi quod promíttis,

fac nos amáre quod præcipis.

Per Dóminum.

Réspice, quæsumus, Dómine,

múnera quæ tuæ offérimus maiestáti,

ut, quod nostro servítio géritur,

ad tuam glóriam pótius dirigátur.

Per Christum.

Lætábimur in salutári tuo,

et in nómine Dei nostri magnificábimur.

Christus diléxit nos, et trádidit semetípsum pro nobis,

oblatiónem Deo in odórem suavitátis.

Perfíciant in nobis, Dómine, quæsumus,

tua sacraménta quod cóntinent,

ut, quæ nunc spécie gérimus,

rerum veritáte capiámus.

Per Christum.