Veníte, benedícti Patris mei, percípite regnum,

quod vobis parátum est ab orígine mundi, allelúia.

Deus, qui nos resurrectiónis domínicæ

ánnua sollemnitáte lætíficas,

concéde propítius, ut, per temporália festa quæ ágimus,

perveníre ad gáudia ætérna mereámur.

Per Dóminum.

Súscipe, quæsumus, Dómine,

hóstias redemptiónis humánæ,

et salútem nobis mentis et córporis operáre placátus.

Per Christum.

Cognovérunt discípuli Dóminum Iesum

in fractióne panis, allelúia.

Ab omni nos, quæsumus, Dómine, vetustáte purgátos,

sacraménti Fílii tui veneránda percéptio

in novam tránsferat creatúram.

Per Christum.