Cantáte Dómino cánticum novum,

quia mirabília fecit Dóminus;

ante conspéctum géntium revelávit iustítiam suam, allelúia.

Omnípotens sempitérne Deus,

semper in nobis paschále pérfice sacraméntum,

ut, quos sacro baptísmate dignátus es renováre,

sub tuæ protectiónis auxílio multos fructus áfferant,

et ad ætérnæ vitæ gáudia perveníre concédas.

Per Dóminum.

Deus, qui nos, per huius sacrifícii veneránda commércia,

uníus summæque divinitátis partícipes effecísti,

præsta, quæsumus, ut, sicut tuam cognóvimus veritátem,

sic eam dignis móribus assequámur.

Per Christum.

Ego sum vitis vera et vos pálmites, dicit Dóminus;

qui manet in me et ego in eo,

hic fert fructum multum, allelúia.

Pópulo tuo, quæsumus, Dómine, adésto propítius,

et, quem mystériis cæléstibus imbuísti,

fac ad novitátem vitæ de vetustáte transíre.

Per Christum.