Surréxit pastor bonus,

qui ánimam suam pósuit pro óvibus suis,

et pro grege suo mori dignátus est, allelúia.

Famíliam tuam, quæsumus, Dómine,

déxtera tua perpétuo circúmdet auxílio,

ut, Fílii tui Unigéniti resurrectióne,

ab omni pravitáte defénsa,

donis cæléstibus prosequátur.

Per Dóminum.

Ascéndant ad te, Dómine, preces nostræ

cum oblatiónibus hostiárum,

ut, tua dignatióne mundáti,

sacraméntis magnæ pietátis aptémur.

Per Christum.

Pacem relínquo vobis, pacem meam do vobis;

non quómodo mundus dat, ego do vobis,

dicit Dóminus, allelúia.

Omnípotens sempitérne Deus,

qui ad ætérnam vitam

in Christi resurrectióne nos réparas,

fructus in nobis paschális multíplica sacraménti,

et fortitúdinem cibi salutáris nostris infúnde pectóribus.

Per Christum.