Feria VI - Hebd sexta
Tempus paschale
Ap 5, 9-10
Redemísti nos, Dómine, in sánguine tuo,
ex omni tribu, et lingua, et pópulo, et natióne,
et fecísti nos Deo nostro regnum et sacerdótes, allelúia.
Deus, qui ad ætérnam vitam
in Christi resurrectióne nos réparas,
érige nos ad consedéntem in déxtera tua
nostræ salútis auctórem,
ut, cum in maiestáte sua Salvátor noster advénerit,
quos fecísti baptísmo renásci,
fácias beáta immortalitáte vestíri.
Per Dóminum.
In regionibus ubi sollemnitas Ascensionis fit dominica sequenti:
FRA •
L/FExáudi, Dómine, preces nostras,
ut, quod tui Verbi sanctificatióne promíssum est,
evangélico ubíque compleátur efféctu,
et plenitúdo adoptiónis obtíneat
quod prædíxit testificátio veritátis.
Per Dóminum.
Oblatiónes famíliæ tuæ,
quæsumus, Dómine, súscipe miserátus,
ut, sub tuæ protectiónis auxílio,
et colláta non perdant, et ad ætérna dona pervéniant.
Per Christum.
Rom 4, 25
Tráditus est Christus Dóminus noster
propter delícta nostra,
et resurréxit propter iustificatiónem nostram, allelúia.
Contínua, quæsumus, Dómine,
quos salvásti pietáte custódi,
ut, qui Fílii tui passióne sunt redémpti,
eius resurrectióne læténtur.
Qui vivit et regnat in sæcula sæculórum.