Accipiétis virtútem superveniéntis Spíritus Sancti in vos,

et éritis mihi testes usque ad últimum terræ, allelúia.

Advéniat nobis, quæsumus, Dómine,

virtus Spíritus Sancti,

qua voluntátem tuam fidéli mente retinére,

et pia conversatióne deprómere valeámus.

Per Dóminum.

Sacrifícia nos, Dómine, immaculáta puríficent,

et méntibus nostris supérnæ grátiæ dent vigórem.

Per Christum.

Non vos relínquam órphanos, dicit Dóminus:

véniam ad vos íterum, et gaudébit cor vestrum, allelúia.

Pópulo tuo, quæsumus, Dómine, adésto propítius,

et, quem mystériis cæléstibus imbuísti,

fac ad novitátem vitæ de vetustáte transíre.

Per Christum.