Die 14 februarii
Beatæ Mariæ Virginis, Mater Pulchræ Dilectionis
Festum in Prelatura Operis Dei
Léctio libris Ecclesiastici 24, 23-31
FRA •
L/F •
CMT
Ego quasi vitis germinavi gratiam, et flores mei fructus
honoris et honestatis.
Ego mater pulchræ dilectionis et timoris et agnitionis et
sanctæ spei.
In me gratia omnis viæ et veritatis, in me omnis spes vitæ et
virtutis.
Transite ad me, omnes, qui concupiscitis me, et a
generationibus meis implemini.
Doctrina enim mea super mel dulcis, et hereditas mea super mel
et favum;
memoria mea in generationes sæculorum.
Qui edunt me, adhuc esurient; et, qui bibunt me, adhuc
sitient.
Qui audit me, non confundetur; et, qui operantur in me, non
peccabunt:
qui elucidant me, vitam æternam habebunt.
I Samuel 2, 1, 4-5, 6-7, 8abcd
FRA •
L/F •
CMTR/ Exsultávit cor meum in Dómino Salvatóre meo.
R/ Mon cœur exulte à cause du Seigneur : il donne le salut.
« Exsultavit cor meum in Domino,
exaltatum est cornu meum in Deo meo;
dilatatum est os meum super inimicos meos,
quoniam lætata sum in salutari tuo.
Arcus fortium confractus est,
et infirmi accincti sunt robore.
Saturati prius pro pane se locaverunt,
et famelici non eguerunt amplius.
Sterilis peperit plurimos,
et, quæ multos habebat filios, emarcuit.
Dominus mortificat et vivificat,
deducit ad infernum et reducit.
Dominus pauperem facit et ditat,
humiliat et sublevat.
Suscitat de pulvere egenum
et de stercore elevat pauperem,
ut sedeat cum principibus
et solium gloriæ teneat.
Allelúia
Beáta Virgo María, quæ conservábat verbum Dei, cónferens in corde suo.
Heureuse Vierge Marie, attentive à garder la parole de Dieu pour la méditer dans son cœur !
Léctio sancti Evangélii secúndum Lucam 2, 41-51a
FRA •
L/F
Ibant parentes Iesu per omnes annos in Ierusalem in die festo Paschæ. Et cum factus esset annorum duodecim, ascendentibus illis secundum consuetudinem diei festi, consummatisque diebus, cum redirent, remansit puer Iesus in Ierusalem, et non cognoverunt parentes eius. Existimantes autem illum esse in comitatu, venerunt iter diei et requirebant eum inter cognatos et notos; et non invenientes regressi sunt in Ierusalem requirentes eum.
Et factum est, post triduum invenerunt illum in templo sedentem in medio doctorum, audientem illos et interrogantem eos; stupebant autem omnes, qui eum audiebant, super prudentia et responsis eius. Et videntes eum admirati sunt, et dixit Mater eius ad illum: « Fili, quid fecisti nobis sic? Ecce pater tuus et ego dolentes quærebamus te ».
Et ait ad illos: « Quid est quod me quærebatis? Nesciebatis quia in his, quæ Patris mei sunt, oportet me esse? ». Et ipsi non intellexerunt verbum, quod locutus est ad illos.
Et descendit cum eis et venit Nazareth et erat subditus illis. Et mater eius conservabat omnia verba in corde suo.