Sabbato - Hebd XXXIV
Tempus « per annum » - Anno secundo
Léctio libri Apocalýpsis beáti Ioánnis apóstoli 22, 1-7
FRA •
L/F •
CMT
Ostendit mihi, Ioanni, angelus Domini fluvium aquæ vitæ splendidum tamquam crystallum, procedentem de throno Dei et Agni. In medio plateæ eius et fluminis ex utraque parte lignum vitæ afferens fructus duodecim, per menses singulos reddens fructum suum; et folia ligni ad sanitatem gentium. Et omne maledictum non erit amplius. Et thronus Dei et Agni in illa erit; et servi eius servient illi et videbunt faciem eius, et nomen eius in frontibus eorum. Et nox ultra non erit, et non egent lumine lucernæ neque lumine solis, quoniam Dominus Deus illuminabit super illos, et regnabunt in sæcula sæculorum.
Et dixit mihi: « Hæc verba fidelissima et vera sunt, et Dominus, Deus spirituum prophetarum, misit angelum suum ostendere servis suis, quæ oportet fieri cito. Et ecce venio velociter. Beatus, qui servat verba prophetiæ libri huius ».
Psalmus responsorius 94, 1-2, 3-5, 6-7
FRA •
L/F •
CMTR/ Marána Tha! Veni, Dómine Iesu!
Venite, exsultemus Domino;
iubilemus Deo salutari nostro.
Præoccupemus faciem eius in confessione
et in psalmis iubilemus ei.
Quoniam Deus magnus Dominus,
et rex magnus super omnes deos.
Quia in manu eius sunt profunda terræ,
et altitudines montium ipsius sunt.
Quoniam ipsius est mare, et ipse fecit illud,
et siccam manus eius formaverunt.
Venite, adoremus et procidamus
et genua flectamus ante Dominum, qui fecit nos,
quia ipse est Deus noster,
et nos populus pascuæ eius et oves manus eius.
Allelúia
Vigiláte, omni témpore orántes, ut possítis stare ante Fílium hóminis.
Léctio sancti Evangélii secúndum Lucam 21, 34-36
FRA •
L/F •
CMT
In illo tempore: Dixit Iesus discipulis suis:
« Atendite vobis, ne forte graventur corda vestra in crapula et ebrietate et curis huius vitæ, et superveniat in vos repentina dies illa; tamquam laqueus enim superveniet in omnes, qui sedent super faciem omnis terræ. Vigilate itaque omni tempore orantes, ut possitis fugere ista omnia, quæ futura sunt, et stare ante Filium hominis ».