Ressources Catholiques

María, Mater grátiæ FRA

María, Mater grátiæ,

Dulcis parens cleméntiæ,

Tu nos ab hoste prótege,

Et mortis hora súscipe.

Jesu, tibi sit glória,

Qui natus es de Vírgine,

Cum patre et almo Spíritu,

In sempitérna saécula. Amen.

O Dómina mea FRA

O Dómina mea! O Mater mea! Tibi me totum óffero, atque ut me tibi probem devótum, cónsecro tibi hódie óculos meos, aures meas, os meum, cor meum, plane me totum. Quóniam ítaque tuus sum, o bona Mater, serva me, defénde me, ut rem ac possessiónem tuam.

Sub tuum præsídium FRA

Sub tuum præsídium confúgimus,

sancta Dei Génetrix;

nostras deprecatiónes ne despícias

in necessitátibus;

sed a perículis cunctis

líbera nos semper,

Virgo gloriósa et benedícta.

Memoráre, o piíssima Virgo María FRA

Memoráre, o piíssima Virgo María, non esse auditum a sǽculo, quemquam ad tua curréntem præsidia, tua implorántem auxilia, tua peténtem suffrágia, esse derelíctum. Ego tali animátus confidéntia, ad te, Virgo Virginum, Mater, curro, ad te vénio, coram te gemens peccator assisto. Noli, Mater Verbi, verba mea despícere; sed áudi propitia et exáudi.

Amen.

Sancta María, succúre miseris FRA

Sancta maria, succure miseris ! Juva pusillanimes ! refove flebiles ! Ora pro populo ! Interveni pro clero ! Intercede pro devoto femineo sexu. Sentiant omnes tuum iuvamen, quicumque celebrant tuam sanctam commemorationem.

Oratio ad petendam gratiam bonæ mortis FRA

O María, sine labe concépta, ora pro nobis, qui confúgimus ad te; o Refúgium peccatórum, Mater agonizántium, noli nos derelínquere in hora éxitus nostri, sed ímpetra nobis dolórem perféctum, sincéram contritiónem, remissiónem peccatórum nostrórum, sanctíssimi Viátici dignam receptiónem, extrémæ Unctiónis Sacraménti corroboratiónem, quátenus secúri præsentári valeámus ante thronum iusti, sed misericórdis Iúdicis, Dei et Redemptóris nostri. Amen.

Preces iaculatoriæ

Regína, sine labe origináli concépta, ora pro nobis.

Sancta Dei Genétrix semper Virgo María, intercéde pro nobis.

Ave Regina cælorum FRA

Ave, Regína cælórum,

ave, Dómina angelórum,

salve, radix, salve, porta,

ex qua mundo lux est orta.

Gaude, Virgo gloriósa,

super omnes speciósa

vale, o valde decóra,

et pro nobis Christum exóra.

Stabat Mater dolorosa FRA

Stabat Mater dolorosa

iuxta crucem lacrimosa

dum pendebat Filius.

Cuius animam gementem,

contristatam et dolentem,

pertransiuit gladius.

O quam tristis et afflicta

fuit illa benedicta

Mater Unigeniti.

Quæ mœrebat et dolebat,

Pia Mater cum uidebat

Nati pœnas incliti.

Quis est homo qui non fleret,

Matrem Christi si videret

in tanto supplicio?

Quis non posset contristari,

Christi Matrem contemplari

dolentem cum Filio?

Pro peccatis suæ gentis

uidit Iesum in tormentis

et flagellis subditum.

Vidit suum dulcem natum

moriendo desolatum,

dum emisit spiritum.

Eia Mater, fons amoris,

me sentire uim doloris

fac, ut tecum lugeam.

Fac ut ardeat cor meum

in amando Christum Deum,

ut sibi complaceam.

Sancta Mater, istud agas,

Crucifixi fige plagas

cordi meo ualide.

Tui nati uulnerati,

tam dignati pro me pati,

pœnas mecum divide.

Fac me vere tecum flere,

Crucifixo condolere,

donec ego uixero.

Iuxta crucem tecum stare,

et me tibi sociare

in planctu desidero.

Virgo uirginum præclara,

mihi iam non sis amara:

fac me tecum plangere.

Fac ut portem Christi mortem,

passionis fac consortem,

et plagas recolere.

Fac me plagis uulnerari,

fac me cruce inebriari,

et cruore Filii.

Flammis ne urar succensus

per te Virgo, sim defensus

in die iudicii.

Christe, cum sit hinc exire,

da per Matrem me venire

ad palmam victoriæ.

Quando corpus morietur,

fac ut animæ donetur

Paradisi gloria.

Amen! In sempiterna sæcula. Amen.

Alma Redemptóris Máter FRA

Alma Redemptóris Máter,

quæ pérvia cæli pórta mánes,

Et stélla máris,

succúrre cadénti

súrgere qui cúrat pópulo :

Tu quæ genuísti, natúra miránte,

túum sánctum Genitórem

Virgo prius ac postérius,

Gabriélis ab óre

súmens íllud Ave,

peccatórum miserére.

Tempus Adventus

V/. Angelus Domini nuntiavit Mariæ.

R/. Et concepit de Spiritu Sancto.

Oremus

Gratiam tuam, quæsumus, Domine, mentibus nostris infunde: ut qui, Angelo nuntiante, Christi Filii tui incarnationem cognovimus; per passionem eius et crucem, ad resurrectionis gloriam perducamur. Per eundem Christum Dominum nostrum.

R/. Amen.

Donec Purificatio (depuis le temps de Noël jusqu’à la Purification)

V/. Post partum, Virgo, inviolata permansisti.

V/. Dei Genetrix, intercede pro nobis.

R/. Intercede for us, O Mother of God.

Oremus

Deus, qui salutis æternæ, beatæ Mariæ virginitate fecunda, humano generi præmia præstitisti: tribue, quæsumus; ut ipsam pro nobis intercedere sentiamus, per quam meruimus auctorem vitæ suscipere, Dominum nostrum Iesum Christum, Filium tuum.

R/. Amen.

Ave, maris stella FRA

Ave, maris stella,

Dei mater alma,

Atque semper virgo,

Felix cæli porta

Sumens illud « Ave »

Gabrielis ore,

Funda nos in pace,

Mutans Evæ nomen.

Solve, vincla reis,

Profer lumen cæcis,

Mala nostra pelle,

Bona concta posce.

Monstra te esse matrem,

Sumat per te preces

Qui pro nobis natus

Tulit esse tuus

Virgo singularis,

Inter omnes mitis,

Nos culpis solutos

Mites fac et castos.

Vitam præsta puram,

Iter para tutum,

Ut videntes Jesum

Semper collætémur

Sit laus Deo Patri,

Summo Christus decus,

Spirituti Sancto

Tribus, honor unus.

Amen

In Honorem SS. Angelorum FRA

• Angele Dei

• Exaudi nos

• Preces iaculatoriæ

• Sancte Michæl Archangele

Angele Dei FRA

Ángele Dei,

qui custos es mei,

me, tibi commissum pietáte supérna,

hodie illúmina, custódi,

rege et gubérna.

Amen.

Exaudi nos FRA

Exáudi nos, Dómine sancte, Pater omnípotens, ætérne Deus: et míttere dignéris sanctum ángelum tuum de cœlis, qui custódiat, fóveat, prótegat, vísitet, atque deféndat omnia habitántes in hoc habitáculo: Per Christum Dóminum nostrum.

Preces iaculatoriæ FRA

Benedícite Dóminum, omnes Angeli ejus: poténtes virtúte, qui fácitis verbum ejus, ad audiéndam vocem sermónem ejus (Ps. 103, 20)

Sancte Michæl Archangele FRA

Sáncte Míchæl Archángele, defénde nos in proélio, cóntra nequítiam et insídias diáboli ésto præsídium. Ímperet ílli Déus, súpplices deprecámur: tuque, prínceps milítiæ cæléstis, Sátanam aliósque spíritus malígnos, qui ad perditiónem animárum pervagántur in múndo, divína virtúte, in inférnum detrúde. Ámen

In Honorem Sanctorum FRA

• Ad te beate Ioseph

• Oratio ad S. Ioseph

• Litaniæ de S. Ioseph

• Oratio ad Petrum et Paulum

• Oratio ad Ioannem

• Oratio ad S. Thomam de A.

• Ad suum Patronum

• Litaniæ Sanctorum

Ad te beate joseph FRA

Ad te beáte Joseph, in tribulatióne nostra confúgimus, atque, imploráto Sponsæ tuæ sanctíssimæ auxílio, patrocínium quoque tuum fidenter expóscimus. Per eam, quæsumus, quæ te cum immaculáta Vírgine Dei Genitríce coniúnxit, caritátem, perque patérnum, quo Púerum Iesum ampléxus es, amórem, súpplices deprecámur, ut ad hereditátem, quam Iesus Christus acquisívit Sánguine suo, benígnus respícias, ac necessitátibus nostris tua virtúte et ope succúrras. Tuére, o Custos providentíssime divínæ Famíliæ, Iesu Christi sóbolem eléctam; próhibe a nobis, amantíssime Pater, omnem errórum ac corruptelárum luem; propítius nobis, sospítator noster fortíssime, in hoc cum potestáte tenebrárum certámine e cælo adésto; et sicut olim Púerum Iesum e summo eripuísti vitre discrímine, ita nunc Ecclesiam sanctam Dei ab hostílibus insídiis atque ab omni adversitáte défende: nosque síngulos perpétuo tege patrocínio, ut ad tui exémplar et ope tua suffúlti, sancte vívere, pie émori, sempiternámque in cæ lis beatitúdinem ássequi possímus. Amen.

Vírginum custos et pater FRA

Vírginum custos et pater, sancte Ioseph, cuius fidéli custódiæ ipsa innocéntia Christus Iesus et Virgo vírginum María commíssa fuit: te per hoc utrúmque carissimum pignus Iesum et Maríam óbsecro et obtéstor, ut me, ad omni immundítia præservátum, mente incontamináta, puro corde et casto córpore Iesu et Mariæ semper fácias castíssime famulári. Amen.

Oratio ad S. Ioseph FRA

Memoráre, o puríssime Sponse Vírginis Maríæ, o dulcis Protéctor mi, sancte Ioseph, non esse audítum a sǽculo, quémquem ad tua implorántem auxília, tua peténtem suffrágia, esse derelíctum. Ego tali animátus confidéntia ad te vénio, tibíque férvide me comméndo. Noli, quæso, o Pater putatíve Redemptóris, verba mea despícere, sed audi propítius. Amen.

Litaniæ de S. Ioseph FRA

Kýrie eléison

Christe eleison

Kyrie eleison

Christe, audi nos

Christe, exaudi nos

Pater de cælis, Deus, miserere nobis

Fili, Redemptor mundi, Deus

Spiritus Sancte, Deus

Sancta Trinitas, unus Deus

Sancta Maria, ora pro nobis

Sancte Ioseph

Proles David ínclita

Lumen Patriacharum

Dei Genitricis sponse

Custos pudice Virginis

Filii Dei nutricie

Christi defensor sedule

Almæ Familiæ præses

Ioseph iustissime

Ioseph castissime

Ioseph prudentissime

Ioseph fortissime

Ioseph oboedientissime

Ioseph fidelissime

Speculum patientiæ

Amator paupertatis

Exemplar opificum

Domesticæ vitæ decus

Custos virginum

Familiarum columen

Solacium miserorum

Spes ægrotantium

Patrone morientium

Terror dæmonum

Protector sanctæ Ecclesiæ, ora pro nobis.

Agnus Dei, qui tollis peccata mundi,

parce nobis Domine.

Agnus Dei, qui tollis peccata mundi,

exaudi nos Domine.

Agnus Dei, qui tollis peccata mundi,

miserere nobis.

V/. Constituit eum dominum domus suæ.

R/. Et principem omnis possessionis suæ.

Oremus. Deus, qui ineffabili providentia beatum Ioseph sanctissimæ Genitricis tuæ sponsum eligere dignatus es: præsta, quæsumus: ut, quem protectorem veneramur in terris, intercessorem habere mereamur in cælis: Qui vivis et regnas in sæcula sæculorum.

R/. Amen.

Oratio ad SS. Apostolos Petrum et Paulum FRA

Sancti apóstoli Petre et Páule, intercédite pro nobis.

Prótege, Dómine, pópulum tuum,

et, Apostolórum tuórum Petri et Páuli patrocínio confidéntem,

perpétua defensióne consérva.

Per Christum Dóminum nostrum.

Amen.

Oratio ad Ioannem

Congaudémus tibi, beáte Ioánnes, qui, privilégio amóris præcípui, céteris discípulis áltius honorátus es a Christo Iesu: dignus hábitus, qui supra pectus eius in cœna recúmberes, et cui Matrem ipse suam moritúrus commendáret. Scimus, id te meruísse propter speciálem prærogatívam castitátis; quia virgo eléctus a Dómino, virgo in ævum permansísti. Ita, quum fluénta Evangélii de ipso domínici péctoris fonte potásses, ubérius et sublímius áliis de Christi divinitáte locútus es; qumque de ipso divíni Cordis incéndio amóris flammam concepísses, non mirámur te unum discípulum Iesu patiénti adhæsísse indivíduum cómitem, ac deínceps tália scripsísse, ut mérito appellátus sis caritátis Apóstolus. Decet enímvero nos, qui, divínæ bonitátis múnere, minístri Christi sumus et dispensatóres mysteriórum Dei, intuéri te, tamquam propósitum nobis ad imitándum exémplar: decet autem te, quod súpplices quǽsumus, nobis apud Iesum et Maríam adésse patrónum próprium et peculiárem. Fac ígitur, ut digne ambulémus vocatióne, qua vocáti sumus; præsértim, ut ea, qua par est, mentis et córporis puritáte, sacerdotália obeámus múnia; incénsi stúdio divínæ glóriæ, íntimam familiaritátem sacratíssimi Cordis Iesu consequámur, et Vírginem sanctíssimam, datam de Cruce nobis ómnibus post te Matrem, perstudiósæ pietátis offíciis, quemádmodum Tu fecísti, recreémus. Dénique præsta, ut post mortálem vitam inter senióres numerémur, quos vidísti amíctos vestiméntis albis sédere circa thronum Agni immaculáti, qui dignus est accípere honórem, benedictiónem et glóriam in sǽcula sæculórum. Amen.

Oratio ad S. Thomam de Aquino

Doctor angélice, sancte Thoma, theologórum princeps et philosophórum norma, præclárum christiáni orbis decus et Ecclésiæ lumen, scholárum ómnium catholicárum cælestis Patróne, qui sapiéntiam sine fictióne didicísti et sine invídia commúnicas, ipsam Sapiéntiam Fílium Dei deprecáre pro nobis, ut veniénte in nos Spíritu sapiéntiæ, quæ docuísti intelléctu conspiciámus, et quæ egísti imitatióne compleámus; doctrínæ et virtútis, quibus in terris, solis instar, semper eluxísti, partícipes efficiámur; ac tandem eárum suavíssimis frúctibus perénniter tecum delectémur in cælis, divínam Sapiéntiam collaudántes per infiníta sǽcula sæculórum. Amen.

Ad suum cuiusque cælestem Patronum

Cæléstis Patróne N., cuius nómine glórior, semper precáre pro me apud Deum. In fide confírma, in virtúte róbora; in pugna tuére, ut victor de hoste malígno glóriam ætérnam cónsequi mérear. Amen.

Litaniæ Sanctorum FRA

Kyrie, eléison.
Christe, eléison.
Kyrie, eléison.

Christe, audi nos.
Christe, exáudi nos.

Pater de cælis, Deus.
Miserére nobis.
Fili, Redémptor mundi, Deus.
Miserére nobis.
Spíritus Sancte, Deus.
Miserére nobis.
Sancta Trínitas, unus Deus.
Miserére nobis.

Sancta María.
Ora pro nobis.
Sancta Dei Génetrix.
Ora pro nobis.
Sancta Virgo vírginum.
Ora pro nobis.

Sancte Michael.
Ora pro nobis.
Sancte Gabriel.
Ora pro nobis.
Sancte Raphael.
Ora pro nobis.
Omnes sancti Angeli et Archangeli.
Orate pro nobis.
Omnes sancti beatórum Spírituum ordines.
Orate pro nobis.

Sancte Joánnes Baptista.
Ora pro nobis.
Sancte Josephe.
Ora pro nobis.
Omnes sancti Patriárchæ et Prophetæ.
Orate pro nobis.

Sancte Petre.
Ora pro nobis.
Sancte Paule.
Ora pro nobis.
Sancte Andrea.
Ora pro nobis.
Sancte Jacobe.
Ora pro nobis.
Sancte Joánnes.
Ora pro nobis.
Sancte Thoma.
Ora pro nobis.

Sancte Jacobe.
Ora pro nobis.
Sancte Philippe.
Ora pro nobis.
Sancte Bartholomæe.
Ora pro nobis.
Sancte Matthæe.
Ora pro nobis.
Sancte Simon.
Ora pro nobis.
Sancte Thaddæe.
Ora pro nobis.
Sancte Matthia.
Ora pro nobis.
Sancte Barnaba.
Ora pro nobis.
Sancte Luca.
Ora pro nobis.
Sancte Marce.
Ora pro nobis.
Omnes sancti Apóstoli et Evangelistæ.
Orate pro nobis.
Omnes sancti Discípuli Dómini.
Orate pro nobis.

Omnes sancti Innocéntes.
Orate pro nobis.
Sancte Stephane.
Ora pro nobis.
Sancte Laurénti.
Ora pro nobis.
Sancte Vincenti.
Ora pro nobis.
Sancti Fabiane et Sebastiane.
Orate pro nobis.
Sancti Joánnes et Paule.
Orate pro nobis.
Sancti Cosma et Damiane.
Orate pro nobis.
Sancti Gervasi et Protasi.
Orate pro nobis.
Omnes sancti Mártyres.
Orate pro nobis.

Sancte Silvester.
Ora pro nobis.
Sancte Gregóri.
Ora pro nobis.
Sancte Ambrósi.
Ora pro nobis.
Sancte Augustine.
Ora pro nobis.
Sancte Hieronyme.
Ora pro nobis.
Sancte Martine.
Ora pro nobis.
Sancte Nicolaë.
Ora pro nobis.
Omnes sancti Pontifices et Confessores.
Orate pro nobis.
Omnes sancti Doctores.
Orate pro nobis.

Sancte Antoni.
Ora pro nobis.
Sancte Benedicte.
Ora pro nobis.
Sancte Bernarde.
Ora pro nobis.
Sancte Dominice.
Ora pro nobis.
Sancte Francisce.
Ora pro nobis.
Omnes sancti Sacerdótes et Levitæ.
Orate pro nobis.
Omnes sancti Monachi et Eremitæ.
Orate pro nobis.

Sancta María Magdalena.
Ora pro nobis.
Sancta Agatha.
Ora pro nobis.
Sancta Lucia.
Ora pro nobis.
Sancta Agnes.
Ora pro nobis.
Sancta Cæcilia.
Ora pro nobis.
Sancta Catharina.
Ora pro nobis.
Sancta Anastasia.
Ora pro nobis.
Omnes sanctæ Vírgines et Víduæ.
Orate pro nobis.

Omnes Sancti et Sanctæ Dei.
Intercédite pro nobis.
Propitius esto.
Parce nobis, Dómine.
Propitius esto.
Exáudi nos, Dómine.

Ab omni malo.

Líbera nos, Dómine.
Ab omni peccáto.
Líbera nos, Dómine.
Ab ira tua.
Líbera nos, Dómine.
A subitanea et improvisa morte.
Líbera nos, Dómine.
Ab insídiis diaboli.
Líbera nos, Dómine.
Ab ira, et ódio, et omni mala voluntáte.
Líbera nos, Dómine.
A spíritu fornicatiónis.
Líbera nos, Domine.
A fulgure et tempestáte.
Líbera nos, Dómine.

A flagello terræmotus.
Líbera nos, Dómine.
A peste, fame et bello.
Líbera nos, Dómine.
A morte perpetua.
Líbera nos, Dómine.
Per mystérium sanctæ Incarnatiónis tuæ.
Líbera nos, Dómine.
Per advéntum tuum.
Líbera nos, Dómine.
Per nativitátem tuam.
Líbera nos, Dómine.
Per baptismum et sanctum jejunium tuum.
Líbera nos, Dómine.
Per crucem et passiónem tuam.
Líbera nos, Dómine.
Per mortem et sepultúram tuam.
Líbera nos, Dómine.
Per sanctam resurrectiónem tuam.
Líbera nos, Dómine.
Per admirábilem ascensiónem tuam.
Líbera nos, Dómine.
Per advéntum Spíritus Sancti Paracliti.
Líbera nos, Dómine.
In die judícii.
Líbera nos, Dómine.

Peccatóres.
Te rogamus, audi nos.
Ut nobis parcas.
Te rogamus, audi nos.
Ut nobis indulgeas.
Te rogamus, audi nos.
Ut ad veram pœniténtiam nos perducere dignéris.
Te rogamus, audi nos.
Ut Ecclésiam tuam sanctam regere et conservare dignéris.
Te rogamus, audi nos.
Ut domnum Apostolicum et omnes ecclesiásticos ordines in sancta religióne conservare dignéris.
Te rogamus, audi nos.
Ut inimícos sanctæ Ecclésiæ humiliare dignéris.
Te rogamus, audi nos.
Ut régibus et princípibus christiánis pacem et veram concordiam donare dignéris.
Te rogamus, audi nos.
Ut cuncto pópulo christiáno pacem et unitátem largiri dignéris.
Te rogamus, audi nos.
Ut omnes errántes ad unitátem Ecclésiæ revocare, et infidéles univérsos ad Evangélii lumen perducere dignéris.
Te rogamus, audi nos.
Ut nosmetípsos in tuo sancto servítio confortare et conservare dignéris.
Te rogamus, audi nos.
Ut mentes nostras ad cæléstia desidéria erigas.
Te rogamus, audi nos.
Ut ómnibus benefactóribus nostris sempitérna bona retríbuas.
Te rogamus, audi nos.
Ut ánimas nostras, fratrum, propinquorum et benefactórum nostrórum ab ætérna damnatióne erípias.
Te rogamus, audi nos.
Ut fructus terræ dare et conservare dignéris.
Te rogamus, audi nos.
Ut ómnibus fidelibus defunctis réquiem ætérnam donare dignéris.
Te rogamus, audi nos.
Ut nos exáudire dignéris.
Te rogamus, audi nos.
Fili Dei.
Te rogamus, audi nos.

Agnus Dei, qui tollis peccáta mundi.
Parce nobis, Dómine.
Agnus Dei, qui tollis peccáta mundi.
Exáudi nos, Dómine.
Agnus Dei, qui tollis peccáta mundi.
Miserére nobis.

Christe, audi nos.
Christe, exáudi nos.
Kyrie, eléison.
Christe, eléison. Kyrie, eléison.

Pater noster. (secréto usque ad)

V. Et ne nos indúcas in tentatiónem.
Sed líbera nos a malo.

[Psalmus 69. Deus, in adjutórium]
1 Deus, in adjutórium meum inténde: * Dómine ad adjuvándum me festína.
2 Confundántur et revereántur, qui quærunt ánimam meam. * Avertántur retrórsum, et erubéscant, qui volunt mihi mala.
3 Avertántur statim erubescéntes, * qui dicunt mihi : Euge, euge.
4 Exsúltent et læténtur in te omnes qui quærunt te, * et dicant semper : Magnificétur Dóminus : qui díligunt salutáre tuum.
5 Ego vero egénus, et pauper sum : * Deus, ádjuva me.
6 Adjútor meus, et liberátor meus es tu : * Dómine, ne moréris.
7 Glória Patri, et Fílio, et Spirítui Sancto.
8 Sicut erat in princípio, et nunc, et semper, * et in sæcula sæculórum. Amen.

Salvos fac servos tuos.
Deus meus, sperántes in te.

Esto nobis, Dómine, turris fortitúdinis.
A fácie inimíci.

Nihil profíciat inimícus in nobis.
Et fílius iniquitátis non appónat nocére nobis.

Dómine, non secúndum peccáta nostra fácias nobis.
Neque secúndum iniquitátes nostras retríbuas nobis.

Orémus pro Pontifice nostro (Nomen).
Dóminus consérvet eum, et vivíficet eum, et beátum fáciat eum in terra, et beátum fáciat eum in terra, et non tradat eum in ánimam inimicórum ejus.

[Vacante Apostolica Sede, Versus cum suo Responsorio præteritur.]

V. Orémus pro benefactóribus nostris.
Retribúere dignáre, Dómine, ómnibus, nobis bona faciéntibus propter nomen tuum, vitam ætérnam. Amen.

Orémus pro fidelibus defunctis.
Réquiem ætérnam dona eis, Dómine, et lux perpétua luceat eis.

Requiéscant in pace.
Amen.

Pro frátribus nostris abséntibus.
Salvos fac servos tuos, Deus meus, sperántes in te.

Mitte eis, Dómine, auxílium de sancto.
Et de Sion tuere eos.

Dómine, exáudi oratiónem meam.
Et clamor meus ad te véniat.

Dóminus vobíscum.
Et cum spíritu tuo.

Oremus. (Oratio)

Deus, cui proprium est miseréri semper et parcere : súscipe deprecatiónem nostram ; ut nos, et omnes fámulos tuos, quos delictórum catena constringit, miserátio tuæ pietátis clementer absolvat.

Exáudi, quæsumus, Dómine, supplícium preces, et confiténtium tibi parce peccátis : ut páriter nobis indulgéntiam tríbuas benignus et pacem.

Ineffábilem nobis, Dómine, misericórdiam tuam clementer osténde : ut simul nos et a peccátis ómnibus exuas, et a pœnis, quas pro his meremur, erípias.

Deus, qui culpa offenderis, pœniténtia placaris : preces pópuli tui supplicántis propítius réspice ; et flagélla tuæ iracúndiæ, quæ pro peccátis nostris meremur, averte.

[If the Holy See is vacant, the following Collect is omitted.]

Omnípotens sempiterne Deus, miserére famulo tuo Pontifici nostro (Nomen), et dírige eum secúndum tuam cleméntiam in viam salútis ætérnæ : ut, te donante, tibi placita cupiat, et tota virtúte perfíciat.

Deus, a quo sancta desidéria, recta consília et justa sunt ópera : da servis tuis illam, quam mundus dare non potest, pacem ; ut et corda nostra mandátis tuis dedita, et, hóstium subláta formidine, témpora sint, tua protectióne, tranquilla.

Ure igne Sancti Spíritus renes nostros et cor nostrum, Dómine : ut tibi casto corpore serviamus, et mundo corde placeámus.

Fidélium, Deus, ómnium conditor et redemptor, animábus famulórum famularumque tuárum remissiónem cunctórum tríbue peccatórum : ut indulgéntiam, quam semper optavérunt, piis supplicatiónibus consequántur.

Actiónes nostras, quæsumus, Dómine, aspirándo prævéni et adjuvándo proséquere : ut cuncta nostra orátio et operátio a te semper incipiat et per te cœpta finiátur.

Omnípotens sempiterne Deus, qui vivórum domináris simul et mortuórum, ómniumque miseréris quos tuos fide et ópere futuros esse prænoscis : te supplices exorámus ; ut, pro quibus effúndere preces decrevimus, quosque vel præsens sæculum adhuc in carne retinet vel futúrum jam exutos corpore suscépit, intercedéntibus ómnibus Sanctis tuis, pietátis tuæ cleméntia, ómnium delictórum suórum véniam consequántur. Per Dóminum nostrum Jesum Christum, Fílium tuum, qui tecum vivit et regnat in unitáte Spíritus Sancti, Deus, per ómnia sæcula sæculórum.

Amen.

Dóminus vobíscum.
Et cum spíritu tuo.

Exáudiat nos omnípotens et miséricors Dóminus.
Amen.

Et fidélium ánimæ † per misericórdiam Dei requiéscant in pace.
Amen.