Isti sunt viri sancti facti amíci Dei,

divínæ veritátis præcónio gloriósi, allelúia.

Confitébor tibi in pópulis, Dómine,

et narrábo nomen tuum frátribus mei, allelúia.

Deus, qui beátum Vincéntium presbýterum

minístrum prædicatiónis evangélicæ suscitásti,

præsta, quæsumus,

ut, quem ventúrum iúdicem nuntiávit in terris,

beáti videámus regnántem in cælis.

Qui tecum.

Réspice quas offérimus hóstias, omnípotens Deus,

in beáti Vincentii festivitáte, et præsta,

ut, qui domínicæ passiónis mystéria celebrámus,

imitémur quod ágimus.

Per Christum.

Ego pascam oves meas,

et ego eas accubáre fáciam, dicit Dóminus, allelúia.

Quod dico vobis in ténebris,

dícite in lúmine, dicit Dóminus,

et quod in aure audítis,

prædicáte super tecta, allelúia.

Huius mystérii virtúte,

confírma, Dómine, fámulos tuos in fide veritátis,

ut eam ubíque ore et ópere confiteántur,

pro qua beátus Vincentius laboráre non déstitit

et vitam suam impéndit. Per Christum.