Misit Deus Fílium suum, factum ex mulíere,

ut adoptiónem filiórum reciperémus.

Omnípotens sempitérne Deus,

qui per advéntum Unigéniti Fílii tui

nova luce radiáre dignátus es,

concéde nobis, ut, sicut eum per Vírginis partum

in forma nostri córporis merúimus habére partícipem,

ita et in eius regno grátiæ mereámur esse consórtes.

Qui tecum.

Deus, auctor sincéræ devotiónis et pacis,

da, quæsumus, ut et maiestátem tuam

conveniénter hoc múnere venerémur,

et sacri participatióne mystérii fidéliter sénsibus uniámur.

Per Christum.

De plenitúdine eius nos omnes accépimus,

et grátiam pro grátia.

Divérsis plebs tua, Dómine, gubernáta subsídiis,

et præséntia pietátis tuæ remédia cápiat et futúra,

ut, transeúntium rerum necessária consolatióne fovénte,

fiduciálius ad ætérna conténdat.

Per Christum.